ক্ষোভত চ'ছিয়েল মিডিয়াত আপত্তিজনক মন্তব্য কৰি ক্ষমা প্ৰাৰ্থনা অনুভৱ সিনহাৰ

শেহতীয়াকৈ অনুভৱ সিনহাই থাপ্পৰৰ বক্স অফিচ ৰিপ'ৰ্টৰ ওপৰত কৰিছিল এক অপমানজনক মন্তব্য ৷ চ'ছিয়েল মিডিয়াত তেওঁ কৰা এনে ব্যৱহাৰৰ বাবে পিছত জ্যেষ্ঠজনৰ পৰা আৰম্ভ কৰি মহিলা, শিশুলৈকে সকলোৰে ওচৰত ক্ষমা প্ৰাৰ্থনা বিচাৰিলে ৷

চিটাৰা ডেস্ক,9 মাৰ্চঃ শেহতীয়াকৈ মুক্তি লাভ কৰে অনুভৱ সিনহাৰ এখন সামাজিক বাৰ্তামূলক ছবি থাপ্পৰ ৷ ছবিখনে মুক্তিৰ প্ৰথমটো সপ্তাহত বিশেষ সফলতা লাভ কৰিবলৈ সক্ষম নহ'ল ৷ ইয়াকে লৈ এটা ব্যৱসায়িক ৱেবচাইটে লিখিলে ,"থাপ্পৰৰ প্ৰথমটো সপ্তাহৰ উপাৰ্জন 22 কোটি 79 লাখ টকা ৷ দৰ্শকে যেন টানকৈ থাপৰ দিলে থাপ্পৰ ছবিখনক ৷ "

এনেকুৱা ধৰণৰ কথা শুনি যথেষ্ট ক্ষোভিত হৈ পৰে অনুভৱ সিনহা ৷ আৰু ক্ষোভৰ পৰিণতিতে নিজৰ টুইটাৰ একাউন্ট যোগে কিছুমান অশ্লীল শব্দ প্ৰয়োগেৰে ইয়াৰ প্ৰত্যুত্তৰ দিয়ে ৷

পিছত তেওঁ নিজৰ এই ভুল বুজিব পাৰি সাধাৰণ ৰাইজৰ ওচৰত ক্ষমা প্ৰাৰ্থনা কৰে ৷ চ'ছিয়েল মিডিয়াত তেওঁ কৰা এনে ব্যৱহাৰৰ বাবে জ্যেষ্ঠজনৰ পৰা আৰম্ভ কৰি মহিলা, শিশুলৈকে সকলোৰে ওচৰত ক্ষমা বিচাৰে ছবিৰ নিৰ্দেশকগৰাকীয়ে ৷

লগতে চাওকঃকেভিন পিটাৰচেনৰ অসম ভ্ৰমণৰতৰ কিছু আলোকচিত্ৰ