চিটাৰা ডেস্ক, 2 আগষ্ট : বলীউডৰ সংগীত পৰিচালক অনু মালিক (Anu Malik), যিয়ে 400 খনতকৈও অধিক চলচ্চিত্ৰত সংগীত পৰিচালনা কৰিছে আৰু এই কৃতিত্বৰ বাবে কেইবাটাও পুৰস্কাৰ লাভ কৰিছে সংগীত পৰিচালকগৰাকীয়ে ৷ শেহতীয়াকৈ টুইটাৰত ব্যাপক ট্ৰ’ল কৰা হৈছে এইগৰাকী সংগীত পৰিচালকক ৷ দেওবাৰে চলিত টকিঅ’ অলিম্পিক (Tokyo Olympics)ত ইজৰাইলৰ ৰাষ্ট্ৰীয় সংগীত (National Anthem) শুনাৰ পাচতে ছ’চিয়েল মিডিয়া ব্যৱহাৰকাৰী (Netizens) সকলে অনু মালিকক ট্ৰ’ল দিয়া পৰিলক্ষিত হৈছে ।
লগতে পঢ়ক :Bigg Boss OTT : প্ৰথম প্ৰতিযোগী কণ্ঠশিল্পী নেহা ভছিন
ইজৰাইলী জিমনাষ্ট আৰ্টেম ডলগোপিয়াট (Artem Dolgopyat)য়ে অলিম্পিকত ইজৰাইলৰ দ্বিতীয়টো সোণৰ পদক লাভ কৰাৰ সময়তে ইজৰাইলৰ ৰাষ্ট্ৰীয় সংগীত পৰিৱেশন কৰা হয় ৷ নেটিজেনছসকলৰ মতে, 1996 চনত মুক্তিলাভ কৰা অভিনেতা অজয় দেৱগন (Ajay Devgn)ৰ ছবি ‘Diljale’ৰ ‘মেৰা মুল্ক মেৰা দেশ’ গীতটোত ৰাষ্ট্ৰীয় সংগীতটোৰ সুৰ নকল কৰিছিল অনু মালিকে ৷ যদিও অনু মালিকৰ বাবে চৌৰ্যবৃত্তি (Plagiarism)ৰ অভিযোগ নতুন কথা নহয়, দেশৰ ৰাষ্ট্ৰীয় সংগীতৰ সুৰ নকল কৰাৰ অভিযোগ উত্থাপনে পূৰ্বৰ দাবীবোৰৰ সঠিক প্ৰমাণ কৰিছে ।
সম্প্ৰতি টুইটাৰত ক্ষুৰধাৰ সমালোচনাৰ সন্মুখীন হৈ আছে বলীউডৰ জনপ্ৰিয় সংগীত পৰিচালকগৰাকী ৷ নেটিজেনছৰ অভিযোগ অনুসৰি, অনু মালিকে বলীউডৰ গীতত সুৰ দিবলৈ গৈ এখন দেশৰ ৰাষ্ট্ৰীয় সংগীত নকল কৰাতো অতি লাজৰ কথা ৷ এই সন্দৰ্ভত কোনো প্ৰতিক্ৰিয়া প্ৰকাশ কৰা নাই অনু মালিকে ৷
লগতে পঢ়ক :মনোজ বাজপেয়ীৰ সৈতে অভিনয় কৰিব অসম জীয়ৰী উৰ্মিলাই