Ankita Lokhande is getting married : শীঘ্ৰে বিবাহপাশত বান্ধ খাব পবিত্ৰ ৰিষ্টাৰ অৰ্চনা

এতিয়া বিয়াৰ বতৰ ৷ ছ’চিয়েল মিডিয়া খুলিলেই দেখা যায় কেৱল বিয়াৰ ফটো ৷ সৌ সিদিনা হৈ যোৱা বলীউডৰ Loving Couple বিকী-কেটৰিণাৰ বিয়াৰ ফটোৱে অনুৰাগীক মোহিত কৰি ৰখাৰ মাজতেই আন এখন বিয়াৰ খবৰে দৃষ্টি আকৰ্ষণ কৰিছে ছ’চিয়েল মিডিয়া ব্যৱহাৰকাৰীসকলৰ ৷

চিটাৰা ডেস্ক, 13 ডিচেম্বৰ : এইবছৰ যেন বিয়াৰ উজান উঠিছে বলীউডৰ লগতে টেলিভিছনৰ অভিনেতা-অভিনেত্ৰীৰ মাজত ৷ কেট-বিকীৰ বিয়াৰ পিছত পুনৰ এই সপ্তাহতে অনুষ্ঠিত হ’ব আন এখন বিয়া ৷ 14 ডিচেম্বৰত মুম্বাইত অনুষ্ঠিত হ’বলগীয়া বিয়াখন কাৰ, জানিবলৈ আপোনাৰো মন গৈছে নিশ্চয় ৷

অৱশেষত জনপ্ৰিয় অভিনেতা সুশান্ত সিং ৰাজপুতৰ প্ৰাক্তন প্ৰেমিকা তথা 'Pavitra Rishta' ৰ অৰ্চনাই লৈছে বিয়াৰ সিদ্ধান্ত ৷ দীৰ্ঘ সময়ৰ বাবে চলা ধাৰাবাহিকখনৰ 'Archana' ৰ মুখ্য চৰিত্ৰত অভিনয় কৰি জনপ্ৰিয় হৈ পৰিছিল অংকিতা লোখাণ্ডে ৷ ধাৰাবাহিকখনৰ আনটো মুখ্য চৰিত্ৰ 'Manav' ৰ চৰিত্ৰটো ৰূপায়ণ কৰা সুশান্ত সিং ৰাজপুতৰ সৈতে বহুদিনীয়া প্ৰেমৰ সম্পৰ্ক আছিল অংকিতাৰ ৷ পিছলৈ তেওঁলোকৰ সম্পৰ্কটোত ফাঁট মেলে ৷ ইয়াৰ পিছতে অংকিতা হতাশাত ভোগাৰ বাতৰি সংবাদ মাধ্যমতো সম্প্ৰচাৰিত হৈছিল ৷

বহু ঘাত-প্ৰতিঘাতৰ মাজেৰে আহি অংকিতাই বিয়াৰ সিদ্ধান্ত লোৱাত (Ankita Lokhande is getting married) তেওঁৰ অনুৰাগীয়ে ছ’চিয়েল মিডিয়াৰ জৰিয়তে যাচিছে বহুত মৰম আৰু শুভকামনা ৷ বিখ্যাত Businessman Managing Director Media Face বিকী জৈনৰে বিয়াত বহিব অংকিতাই ৷ ইতিমধ্যেই অংকিতাৰ মেহেন্দীৰ ফটো ভাইৰেল হৈছে সামাজিক মাধ্যমত ৷ কেটৰিণাৰ মেহেন্দী আৰ্টিষ্ট বীণা নাগাড়াই অংকিতাৰো মেহেন্দী আঁকিছে ৷

প্ৰেমৰ সম্পৰ্কক চিৰযুগমীয়া কৰাৰ আশাৰে 14 ডিচেম্বৰত বিবাহপাশত আৱদ্ধ হ’ব বিকী-অংকিতা ৷ মুম্বাইত হ’বলগীয়া এই বিবাহ অনুষ্ঠানলৈ অতি ঘনিষ্ঠ অতিথিকহে নিমন্ত্ৰণ কৰা হৈছে ৷

লগতে পঢ়ক :Harnaaz Sandhu crowned Miss Universe 2021 : 21 বছৰৰ মূৰত ভাৰতীয় সুন্দৰীৰ শিৰত মিছ ইউনিভাৰ্ছৰ খিতাপ