78 বছৰৰ তুলনাত লকডাউনৰ সময়খিনিত মই বহুত খিনি শিকিছোঃঅমিতাভ বচ্চন

অমিতাভ বচ্চনে ছচিয়েল মিডিয়া একাউন্ট যোগে শ্বেয়াৰ কৰে নিজৰ এখন গহীন প'জৰ ফটো ৷ ফটোখনৰ কেপচনত মেগাষ্টাৰ গৰাকীয়ে লিখিছে, লকডাউনৰ সময়ছোৱাত তেঁও যিমানখিনি শিকিছে সিমানখিনি নিজৰ জীৱনৰ 78 টা বছৰতো শিকা নাছিল ৷

চিটাৰা ডেস্ক, 31 মে' : COVID-19 মহামাৰীৰ পৰিপেক্ষিতত দেশত চলি থকা লকডাউনৰ সময়খিনিত সকলো মানুহ ঘৰৰ ভিতৰত সোমাই থাকিব লগা হৈছে ৷ ব্যতিক্ৰম হোৱা নাই বলীউড তাৰকাসকলৰ ক্ষেত্ৰতো ৷ সকলোৱে এই সময়ছোৱাত নিজৰ ঘৰতে থাকি অনুৰাগীৰ সৈতে সংযুক্ত হোৱাৰ ক্ষেত্ৰত ছচিয়েল মিডিয়াৰ সহায় লৈছে ৷ এই সময়ছোৱাত ছচিয়েল মিডিয়াযোগে বহুজনে নিজৰ ব্যক্তিগত জীৱনৰ কিছু আভাস দিয়াৰ চেষ্টা কৰিছে ৷

শেহতীয়াকৈ বলীউডৰ মেগাষ্টাৰ অমিতাভ বচ্চনে এক টুইট প্ৰকাশ কৰিছে, য'ত তেঁও লিখিছে লকডাউনৰ সময়ছোৱাত তেঁও যিমানখিনি শিকিছে সিমানখিনি নিজৰ জীৱনৰ 78 টা বছৰতো শিকা নাছিল ৷

অমিতাভ বচ্চনৰ এই প'ষ্টটোত তেঁওৰ অনুৰাগী সকলে যথেষ্ট প্ৰতিক্ৰিয়া ব্যক্ত কৰিছে ৷

ইয়াৰ পূৰ্বেও অভিনেতা গৰাকীয়ে দুখন ফটো শ্বেয়াৰ কৰি লিখিছিল, 'do din ka ye mela hai .. do din ka .. do din ka ye mela hai .. do din ka ..aana hai jaana hai .. jeevan chalte jaana hai '

অভিনেতাগৰাকীৰ কামৰ কথালৈ চালে, মুক্তিৰ বাবে সাজু হৈ আছে অমিতাভ বচ্চনৰ নতুন ছবি ৷ ইতিমধ্যে মুক্তি লাভ কৰিছে আয়ুষ্মান খুৰাণাৰ লগত অভিনীত তেঁওৰ নতুন ছবি গুলাব' সিতাব'ৰ ট্ৰেইলাৰ ৷ দৰ্শকৰ মাজত ট্ৰেইলাৰটোৱে সমাদৰ লাভ কৰিবলৈ সক্ষম হৈছে ৷ উল্লেখ্য যে, ছবিখন আগন্তুক 12 জুনত এমেজন প্ৰাইম ভিডিঅ'ত ডিজিটেলি মুক্তি লাভ কৰিব ৷

লগতে পঢ়কঃবলীউড তাৰকাৰ চীনা সামগ্ৰী বয়কট ট্ৰেণ্ড