কৌন বনেগা কৰৌৰপতিৰ মঞ্চত কি কৰিছে হিমা দাসে ?

টুইটযোগে হিমা দাসৰ সৈতে কৌন বনেগা কৰৌৰপতিৰ মঞ্চৰ পৰা ফটো প্ৰকাশ কৰে অমিতাভ বচ্চনে

চিটাৰা ডেস্ক,24 অক্টোবৰঃশেহতীয়াকৈ খবৰ আহিছিল যে, যকৃত ৰোগত আক্ৰান্ত হৈ প্ৰসিদ্ধ অভিনেতা অমিতাভ বচ্চন চিকিৎসাধীন হৈ আছিল মুম্বাইৰ নানাৱতী হাস্পতালত ৷ সম্প্ৰতি তেওঁ সুস্থ হৈ উঠিছে আৰু চ'ছিয়েল মিডিয়া যোগে তেওঁ কৌন বনেগা কৰৌৰপতিৰ মঞ্চৰ পৰা ফটো শ্বেয়াৰ কৰে ৷ সেই বিশেষ ফটোখনত অমিতাভ বচ্চনৰ সৈতে দেখিবলৈ পোৱা গৈছে ভাৰত গৌৰৱ হিমা দাস, দ্যুতি চান্দ আৰু বীৰেন্দ্ৰ ছেহৱাগক ৷

অমিতাভ বচ্চনৰ সৈতে হিমা দাস

উল্লেখ্য যে, ইতিমধ্যে শ্বুটিঙ সম্পূৰ্ণ হৈছে আগন্তুক শুকুৰবাৰৰ কৌন বনেগা কৰৌৰপতিৰ আহিব লগা খণ্ডটোৰ বাবে ৷ সেই শ্বুটিঙৰ সময়তে তোলা হয় এই বিশেষ ফটোখন ৷ "কৰমবীৰ" শীৰ্ষক এই এই খণ্ডটো 25 অক্টোবৰৰ ৰাতি 9 বজাত সম্প্ৰচাৰ হ'ব ৷