চিটাৰা ডেস্ক,28জুলাইঃ কৰ'ণা ভাইৰাছ সংক্ৰমণ হোৱাৰ বাবে মহানায়ক অমিতাভ বচ্চন সম্প্ৰতি ভৰ্ত্তি হৈ আছে মুম্বাইৰ নানাৱতী হাস্পতালত ৷ এই সময়খিনিত তেওঁ যথেষ্ট সক্ৰিয় হৈ আছে ছ'চিয়েল মিডিয়া ক্ষেত্ৰখনত ৷ ছ'চিয়েল মিডিয়াৰ জৰিয়তে নিজৰ স্বাস্থ্যৰ খবৰ দিয়াৰ লগতে প্ৰেৰণামূলক কবিতা শ্বেয়াৰ কৰি আছে অভিনেতাগৰাকীয়ে ৷ বিগ বিয়ে শেহতীয়াকৈ দুটা ভিডিঅ' শ্বেয়াৰ কৰিছে,যাৰ জৰিয়তে তেওঁ উদগনি জনাইছে দুগৰাকী যুৱ প্ৰতিভাক ৷
তেওঁ প্ৰকাশ কৰা এটা ভিডিঅ'ত এগৰাকী যুৱকে মাউথ অৰ্গেন বজাই থকা পৰিলক্ষিত হৈছে ৷ তেওঁ ভিডিঅ'টো শ্বেয়াৰ কৰি লিখিছে," মই এনেকুৱা মাউথ অৰ্গেন প্ৰথমে কেতিয়াও শুনা নাছিলো..... অদ্ভুত,অদ্ভুত অদ্ভুত" ইয়াৰ লগতে তেওঁ অন্য এটা ভিডিঅ' শ্বেয়াৰ কৰিছে,য'ত দেখা গৈছে এগৰাকী যুৱতীয়ে কৰ্ণাটক আৰু পশ্চিমীয়া প'প মিশ্ৰণ পৰিৱেশন কৰিছে ৷