লুটকেছৰ বাবে কুনাল খেমুৰ প্ৰশংসাত পঞ্চমুখ হ'ল বিগ বি

ছবি লুটকেছত উৎকৃষ্ট প্ৰদৰ্শনৰ বাবে মেগাষ্টাৰ অমিতাভ বচ্চনে প্ৰশংসা কৰিলে অভিনেতা কুনাল খেমুক ৷ বিগ বিৰ পৰা প্ৰশংসা লাভৰ পিছত যথেষ্ট সুখী হৈ পৰে অভিনেতা গৰাকী ৷

চিটাৰা ডেস্ক,17 আগষ্টঃ মহানায়ক অমিতাভ বচ্চনে ছবি লুটকেছত কুনাল খেমুৰ অভিনয় দেখাৰ পিছতে তেওঁলৈ লিখিত ৰূপত এক প্ৰশংসা সূচক বাৰ্তা প্ৰেৰণ কৰে ৷ এই বাৰ্তা লাভৰ পিছতে যথেষ্ট সুখী হৈ পৰে অভিনেতা গৰাকী ৷ এই কথা নিজৰ ছ'চিয়েল মিডিয়া একাউন্ট যোগে জানিবলৈ দিছে অভিনেতা গৰাকীয়ে ৷

মেগাষ্টাৰ অমিতাভ বচ্চনে লিখিছে," কুনাল ,কিছু দিন পূৰ্বে মই আপোনাৰ ছবি লুটকেছ চাইছিলো ৷ এই কথা জনাবলৈ লিখিছো, মই কিমান উপভোগ কৰিছো ছবিখন ৷ ছবিখনৰ স্ক্ৰিপ্ট , নিৰ্দেশনা আৰু সহ-শিল্পীৰ দ্বাৰা নিৰূপন কৰা ভূমিকা যথেষ্ট প্ৰভাৱশালী ৷ "

ইয়াৰ লগতে বিগ বিয়ে কুনাল খেমুক প্ৰশংসা কৰি লিখে, "কিন্তু আপুনিটো কামাল কৰি দেখুৱালে, আপোনাৰ শৰীৰৰ অংগী ভংগী, ভাৱ ভংগী একদম উৎকৃষ্ট আছিল ৷ আপুনি এনেদৰেই ভাল কাম কৰি যাওক ৷ আপুনি সদায় সুখী থাকক, অমিতাভ বচ্চনৰ তৰফৰ পৰা মৰম ৷"

এই বাৰ্তা পোৱাৰ পিছতে যথেষ্ট সুখী হৈ পৰে অভিনেতা গৰাকী ৷ ইয়াৰ পিছতে কুনাল খেমুৱে কৃতজ্ঞতাৰ বাৰ্তা প্ৰেৰণ কৰে ছ'চিয়েল মিডিয়া যোগে ৷

লগতে পঢ়কঃসুশান্তৰ আত্মহত্যাক মানি ল'ব পৰা নাই দিলজিৎ দোচাঞ্জে