দেউতাকৰ স্মৃতিয়ে আমনি কৰিছে অমিতাভ বচ্চনক

মুম্বাইৰ নানাৱতী হাস্পতালত ভৰ্ত্তি হৈ থকা এই অকলশৰীয়া দিনকেইটাত মেগাষ্টাৰ অমিতাভ বচ্চন যথেষ্ট সক্ৰিয় হৈ আছে ছ'চিয়েল মিডিয়াত ৷ তেওঁ শেহতীয়াকৈ শ্বেয়াৰ কৰিছে যে এই অকলশৰীয়া মূহুৰ্তত অমিতাভ বচ্চনক আমনি কৰিছে তেওঁৰ দেউতাকৰ স্মৃতিয়ে ৷

চিটাৰা ডেস্ক,27 জুলাইঃ কৰ'ণা ভাইৰাছত আক্ৰান্তৰ হোৱাৰ বাবে মুম্বাইৰ নানাৱতী হাস্পতালত ভৰ্ত্তি হৈ আছে বিগ বি অমিতাভ বচ্চন ৷ এইকেইটা দিনত তেওঁ ছ'চিয়েল মিডিয়াত যথেষ্ট সক্ৰিয় হৈ আছে ৷ প্ৰায়েই ইনষ্টাগ্ৰাম আৰু টুইটাৰ যোগে শ্বেয়াৰ কৰি আছে নিজৰ মনৰ অনুভৱ ৷ শেহতীয়াকৈ তেওঁ এটা ভিডিঅ' শ্বেয়াৰ কৰিছে , য'ত তেওঁ কৈছে যে, তেওঁৰ পিতৃ হৰিবংশ ৰায়ৰ স্মৃতিয়ে তেওঁক বৰকৈ আমনি কৰিছে ৷

ভিডিঅ'টো শ্বেয়াৰ কৰাৰ লগতে তেওঁ লিখিছে ," বাবুজীৰ কবিতাৰ কিছু ক্ষণ ৷ তেওঁ এনেদৰেই গাইছিল কবি সন্মিলনত ৷ হাস্পতালৰ অকলশৰীয়া ক্ষণত তেওঁলৈ বহুত মনত পৰিছে আৰু তেওঁৰ শব্দবোৰেৰে নিজৰ শূণ্য ৰাতি জীপাল কৰিছো ৷ "

বিগ বি অমিতাভ বচ্চনে শ্বেয়াৰ কৰা ভিডিঅ'টোত তেওঁ নিজৰ পিতৃৰ কবিতা পাঠ কৰি থকা পৰিলক্ষিত হৈছে ৷

ইয়াৰ উপৰিও অভিনেতা গৰাকীয়ে নিজৰ এখন ফটো শ্বেয়াৰ কৰি কেপচনত লিখে," জীৱনত প্ৰত্যাহ্বান সুনিশ্চিত কিন্তু হাৰ মনাটো বিকল্পদায়ক, ৰুচিগত আৰু সন্দিহান- যাৰ সম্বন্ধ কিছু অনিশ্চয়তাৰ লগত ৷"

ইয়াৰোপৰি অভিনেতা গৰাকীয়ে নিজৰ এখন আকৰ্ষণীয় ফটো শ্বেয়াৰ কৰে ৷ য'ত অভিনেতাগৰাকীৰ সমগ্ৰ মুখমণ্ডলত ৰঙা লিপষ্টিকৰ দাগ দেখা গৈছে ৷ তেওঁ ফটোখনৰ সৈতে লিখিছে,"শত্ৰু বনাবৰ বাবে কাজিয়া কৰিবৰ বাবে প্ৰয়োজন নাথাকে, আপুনি অলপমান সফল হওক ,শত্ৰু অনুদান হিচাপেই লাভ কৰিব ৷"

লগতে তেওঁ আৰু এখন ফটো প্ৰকাশ কৰে শাওনৰ দ্বিতীয়টো সোমবাৰ উপলক্ষে ৷

লগতে পঢ়কঃসুশান্ত সিং ৰাজপুতৰ মৃত্যু সন্দৰ্ভত ভাষ্য প্ৰদান মহেশ ভাটৰ