কেনেকৈ দীপাৱলী উদযাপন কৰিছে ৰণবীৰ-আলিয়াই ?

আকৰ্ষণীয় ফটো শ্বেয়াৰ কৰি অনুৰাগীক দীপাৱলীৰ শুভেচ্ছা জনাইছে আলিয়া ভাটে । আলিয়াৰ ফটো দেখি দুগুণে আনন্দিত হৈ পৰিছে অনুৰাগী । কিয়নো, এইবাৰ আলিয়াৰ সৈতে দীপাৱলী উদযাপন কৰিছে ৰণবীৰ কাপুৰে ।

চিটাৰা ডেস্ক, ৫ নৱেম্বৰ: এইবাৰৰ দীপাৱলীত আলিয়া ভাটৰ জীৱনত যেন পোহৰ আৰু প্ৰেমৰ অনন্য সংমিশ্ৰন ঘটিছে । বৃহস্পতিবাৰে প্ৰেমিক ৰণবীৰ কাপুৰৰ সৈতে ফটো শ্বেয়াৰ কৰি অনুৰাগীক দীপাৱলীৰ শুভেচ্ছা জনালে আলিয়াই । ইনষ্টাগ্ৰাম পোষ্টযোগে আলিয়াই শ্বেয়াৰ কৰা ফটোখনত দেখা গৈছে যে, ৰণবীৰে পৰম্পৰাগত সাজ পৰিধান কৰিছে । ক'লা ৰঙৰ কুৰ্তা পিন্ধিছে ৰণবীৰে ।

আলিয়াই বৃহস্পতিবাৰে দুটা পোষ্ট শ্বেয়াৰ কৰে । প্ৰথম পোষ্টটোত ডাঠ বেঙুণীয়া ৰঙৰ সাজ পৰিহিত আলিয়াৰ তিনিখন ফটো আছিল । হাতত ষ্টিং লাইট লৈও ফটো উঠিছিল আলিয়াই । দ্বিতীয়টো পোষ্টত আলিয়াই ৰণবীৰৰ সৈতে এখন ফটো শ্বেয়াৰ কৰিছে ।

ফটোখনত ইজনে সিজনৰ চকুত চকু থৈ আলিংগন কৰি থকা দেখা গৈছে । চলিত বৰ্ষৰ শেষৰফালে দুয়ো বিবাহপাশত আৱদ্ধ হ'ব বুলি চৰ্চা অব্যাহত আছে ।

ৰণবীৰ আৰু আলিয়াই ডেষ্টিনেশ্যন ৱেডিংৰ পৰিকল্পনা কৰিছে বুলি চৰ্চা অব্যাহত আছে । আনহাতে, কৰ্মক্ষেত্ৰৰ বিষয়ে ক'বলৈ গ'লে, ৰণবীৰক "ব্ৰহ্মাস্ত্ৰ" আৰু "চমছেৰা"ত দেখা পোৱা যাব । আনহাতে, আলিয়াকো "ব্ৰহ্মাস্ত্ৰ", "ৰকি ঔৰ ৰাণী কী প্ৰেম কাহানী", "গংগুবাই কাথিয়াৱাড়ী", "ডাৰ্লিংছ" আৰু "আৰআৰআৰ"ত দেখা পোৱা যাব ।

লগতে পঢ়ক:দীপাৱলীৰ পূৰ্বে সাংবাদিকৰ কেমেৰাত বন্দী কেইগৰাকীমান বলীউড তাৰকা