Alia Bhatt Birthday : আলিয়ালৈ জন্মদিনৰ শুভেচ্ছা জনালে নীতু কাপুৰে

আলিয়া ভাটে আজি উদযাপন কৰিব 29 বছৰীয়া জন্মদিন (Alia Bhatt Birthday) ৷ আজিৰ এই বিশেষ দিনটোত আলিয়াই লাভ কৰিলে ৰণবীৰৰ মাতৃ নীতু কাপুৰৰ পৰা জন্মদিনৰ শুভেচ্ছা ৷

চিটাৰা ডেস্ক, 15 মাৰ্চ :জন্মদিনটো আন দিনাতকৈ অলপ বিশেষ হোৱাটো সকলোৱে কামনা কৰে ৷ বলীউডৰ জনপ্ৰিয় অভিনেত্ৰী আলিয়া ভাটৰো আজি জন্মদিন (Alia Bhatt turns 29 today) ৷

নীতু কাপুৰৰ সৈতে আলিয়া

ৰণবীৰ কাপুৰৰ সৈতে আলিয়াৰ প্ৰেমৰ সম্পৰ্ক সৰ্বজনবিদিত (Ranbir Alia relationship) ৷ ৰণবীৰৰ পৰিয়ালৰে সৈতেও আলিয়াৰ সম্পৰ্ক অতি মধুৰ ৷ আলিয়াৰ জন্মদিন বিশেষ হিচাপে ৰণবীৰৰ মাতৃ নীতু কাপুৰে নিজৰ ইন্ষ্টাগ্ৰামত শ্বেয়াৰ কৰিলে দুয়োৰে এখন ব্যক্তিগত মূহুৰ্তৰ ফটো ৷ কেপচনত আলিয়াৰ হ’বলগীয়া শাহুৱেকে লিখিলে, ভিতৰে-বাহিৰে সৌন্দৰ্যৰ গৰাকীলৈ জন্মদিনৰ শুভেচ্ছা ৷

বৰ্তমান আলিয়াই ভগ্নী শ্বাহিন ভাট আৰু মাতৃৰ সৈতে কটাইছে ব্যক্তিগত সময় ৷ জন্মদিন উদযাপনৰ বাবে আলিয়াই মাতৃ-ভগ্নীৰ সৈতে উৰা মাৰিছে মালদ্বীপলৈ ৷ ৰণবীৰ কাপুৰে এই বাৰ্থডে’ চেলিব্ৰেছনত অংশ ল’বনে নাই, সেই বিষয়ে অনুৰাগীক জনোৱা নাই আলিয়াই ৷

আলিয়া ভাটে আজি উদযাপন কৰিব 29 বছৰীয়া জন্মদিন

খবৰ ওলাইছে যে, ৰণবীৰ-আলিয়াই চলিত বৰ্ষতে বিবাহপাশত আৱদ্ধ হ’ব ৷ কৰ’ণা মহামাৰী নোহোৱাহেতেন এতিয়ালৈকে তেওঁলোকৰ বিয়া হৈ গ’লহেতেন, বুলি ইতিমধ্যেই ৰণবীৰ কাপুৰে এটা সাক্ষাৎকাৰত মুকলিকৈ কৈছে (Ranbir Alia Wedding) ৷

শেহতীয়াকৈ আলিয়াই গংগুবাই কাথিয়াবাড়ীত কৰা দুৰ্দান্ত অভিনয়ৰ বাবে দৰ্শকৰ পৰা বিপুল প্ৰশংসা লাভ কৰিবলৈ সক্ষম হৈছে ৷ আগন্তুক সময়ত ৰণবীৰৰ সৈতে আলিয়াক দেখা পোৱা যাব আয়ান মুখাৰ্জীৰ ব্ৰহ্মাস্ত্ৰত ৷ ৰূপালী পৰ্দাত প্ৰেমিক যুগলৰ এইখনে হ’ব প্ৰথম ছবি ৷

লগতে পঢ়ক:Ranbir Alia wedding date release : খাটাং হ’ল ৰণবীৰ-আলিয়াৰ বিয়াৰ তাৰিখ !