চিটাৰা ডেস্ক,16 ডিচেম্বৰ : আগন্তুক দুটা বৰ্ষৰ বাবে সম্পূৰ্ণৰূপে ছবিৰ কামত ব্যস্ত হৈ পৰিব অভিনেতা অক্ষয় কুমাৰ ৷ তেওঁৰ কেইবাখনো বিগ বাজেটৰ ছবি ছবিগৃহত মুক্তিলাভ কৰিব ৷ তাৰ ভিতৰত 2022 বৰ্ষৰ দিৱালীৰ সময়ছোৱাত তেওঁৰ বিগ বাজেট ছবি 'Ram Setu'ৱে মুক্তিলাভ কৰিব ৷
ৱেবলইড প্ৰতিবেদনত প্ৰকাশিত অনুসৰি, অক্ষয় কুমাৰ প্ৰডাকচন হাউছৰ বেনাৰতে নিৰ্মাণ কৰা হ’ব এই ছবিখন ৷ আগন্তুক বৰ্ষৰ মাজভাগৰ পৰা ছবিখনৰ শ্বুটিং আৰম্ভ হ’ব বুলি প্ৰতিবেদনযোগে প্ৰকাশ পাইছে ৷
ঐশ্বৰিক আৰু বাস্তৱৰ সংমিশ্ৰণত নিৰ্মাণ হ’বলগীয়া 'Ram Setu' ছবিখন এক্সন আৰু দুঃসাহসিক বিষয়ভিত্তিত নিৰ্মাণ হ’ব ৷ ছবিখনৰ কাহিনীত আছে অভিষেক শৰ্মা ৷
'Ram Setu' ছবিখনৰ শ্বুটিং আৰম্ভ কৰাৰ পূৰ্বে অক্ষয়ে তেওঁৰ প্ৰডাকচন হাউছৰ বেনাৰত নিৰ্মাণ হোৱা কেইবাখনো ছবিৰ ঘোষণা কৰে ৷ প্ৰযোজক ৰোহিত শেট্টীৰ 'Sooryavanshi'ত দেখা পোৱা যাব অক্ষয় কুমাৰক ৷ ইয়াৰোপৰি ফাৰ্হাড চম্জিৰ এক্সন-কমেডী ছবি 'Bachchan Pandey'ত দেখিবলৈ পোৱা যাব খিলাড়ী অক্ষয় কুমাৰক ৷
লগতে পঢ়ক :21 ডিচেম্বৰত অনুষ্ঠিত হ’ব বিজু ফুকন সোঁৱৰণী বঁটা 2020
