চিটাৰা ডেস্ক, 1 অক্টোবৰ: অভিনেতা অক্ষয় কুমাৰৰ আহিবলগীয়া স্পাই-থ্ৰীলাৰ ছবি ‘‘বেল ব’ট’ম’’ৰ ৰেকৰ্ড ৷ কৰ’ণা মহামাৰীৰ সময়ছোৱাতে শ্বুটি আৰম্ভ আৰু সম্পূৰ্ণ কৰা বিশ্বৰ প্ৰথমখন ছবিত স্থান পাইছে বেল ব’ট’মে ৷
53 বৰ্ষীয় অভিনেতা অক্ষয়ে ছবিখনৰ কলা-কুশলীসকলৰ কামক এক ‘টীমৱৰ্ক’ আখ্য়া দি ছবিখনৰ সৈতে জড়িত সকলোকে ধন্য়বাদ জ্ঞাপন কৰে ৷ তেওঁ স্প’ট লাইটমেনৰ পৰা আৰম্ভ কৰি মেক আপ্ আৰ্টিষ্ট,ছবিখনত তেওঁৰ বিপৰীতে অভিনয় কৰা অভিনেত্ৰী বাণী,লাৰা,হুমা,নিৰ্দেশক ৰঞ্জিৎ আৰু প্ৰডাকচন চীমৰ প্ৰতিজন সদস্যলৈ কৃতজ্ঞতা স্বীকাৰ কৰে ৷
লগতে তেওঁ কয় যে,‘‘এই সময়ছোৱাত কাম কৰাৰ অভিজ্ঞতা সুকীয়া ৷ মহামাৰীৰ সময়ত কৰা আমাৰ কষ্ট অন্য লোকৰ বাবে অনুপ্ৰেৰণামূলক হৈ ৰ’ব ৷ সকলোৰে সুৰক্ষাৰ প্ৰতি গুৰুত্ব দি কামত আগবঢ়াৰ সময় আহি পৰিছে’’ ৷
Tom Cruise's Mission: Impossible 7 আৰু Jurassic Park: Dominionৰ নিচিনা আন্তঃৰাষ্ট্ৰীয় ছবিৰ লেখীয়াকৈ বেল ব’ট’ম ছবিখনৰ বাজেট তুলনা কৰা হৈছে ৷