"বেল বুটাম"ত অক্ষয় কুমাৰৰ বিপৰীতে অভিনয় কৰিব বাণী কাপুৰে

অক্ষয় কুমাৰৰ আহিবলগীয়া ছবি "বেল বুটাম"ত মুখ্য চৰিত্ৰত অভিনয় কৰিব অভিনেত্ৰী বাণী কাপুৰে ৷ ছবিখনত অক্ষয় কুমাৰৰ বিপৰীতে অভিনয় কৰাৰ সুযোগ লাভ কৰি যথেষ্ট ৰোমাঞ্চিত হৈ পৰিছে অভিনেত্ৰীগৰাকী ৷

চিটাৰা ডেস্ক,2 জুলাইঃঅভিনেত্ৰী বাণী কাপুৰে তেওঁৰ আহিবলগীয়া অনুসন্ধানমূলক ছবি বেল বুটামত অভিনয় কৰিব চুপাৰষ্টাৰ অক্ষয় কুমাৰৰ সৈতে ৷

এই সন্দৰ্ভত বাণী কাপুৰে কয়, " মই অক্ষয় ছাৰৰ সৈতে স্ক্ৰীণত একেলগে অভিনয় কৰিবলৈ যথেষ্ট ৰোমাঞ্চিত হৈ আছো ৷ মই সমগ্ৰ টিমটোৰ সৈতে কাম কৰিবলৈ ৰোমাঞ্চিত হৈ আছো ৷ তেওঁলোকে প্ৰথমেই আমাৰ ছবিখনৰ আৰম্ভণি ক্ষণত মই ঘৰত থকাৰ দৰেই অনুভৱ কৰাই দিছে ৷ আশা কৰিছো এই উৎসাহ স্ক্ৰীণত অতি সুন্দৰভাৱে প্ৰতিফলিত হ'ব ৷"

ছবিখনৰ কাহিনীটো 1980 চনৰ সঁচা ঘটনাৰ দ্বাৰা অনুপ্ৰেৰিত হৈছে ৷ ৰঞ্জিত এম. তিৱাৰীৰ দ্বাৰা নিৰ্দেশিত এই ছবিখনৰ কাম এই বছৰৰ শেষৰ ফালে আৰম্ভ হ'ব ৷ এই ছবিখনৰ কাহিনী লিখিছে অসীম অৰোৰা আৰু পাৰৱেজ শেখে ৷

2021 চনৰ 2 এপ্ৰিল তাৰিখে বেলবুটাম ছবিখন মুক্তি লাভ কৰিব বুলি আশা প্ৰকাশ কৰিছে ছবিখনৰ নিৰ্মাতাই ৷

লগতে পঢ়কঃকিয় শান্তি অনুভৱ কৰিছে আমিৰ খানে ?