অক্ষয় কুমাৰৰ 25 কোটি ,বৰুণ ধাৱানৰ 30 লাখ প্ৰধানমন্ত্ৰীৰ সাহায্য পুঁজিলৈ

প্ৰধানমন্ত্ৰী মোডীয়ে মহামাৰী কোভিড-19ৰ চিকিৎসাৰ বাবে ৰেহাই পাবলৈ এটা সাহায্য পুঁজি গঠন কৰিছিল ৷ য'ত শেহতীয়াকৈ চুপাৰষ্টাৰ অক্ষয় কুমাৰে আগবঢ়াইছে 25 কোটি টকাৰ অনুদান ৷ লগতে নৱ প্ৰজন্মৰ জনপ্ৰিয় তাৰকা বৰুণ ধাৱানেও আগবঢ়াইছে 30 লাখ টকাৰ অনুদান ৷

চিটাৰা ডেস্ক,28 মাৰ্চঃশেহতীয়াকৈ বলীউড চুপাৰষ্টাৰ অক্ষয় কুমাৰে প্ৰধানমন্ত্ৰী মোডীয়ে গঠন কৰা বিশেষ সাহায্য পুঁজিলৈ আগবঢ়াইছে মুঠ 25 কোটি টকাৰ অনুদান ৷ মহামাৰী কৰ'ণা ভাইৰাছৰ সৈতে দেশবাসীক যুঁজ দিবৰ বাবে এই অনুদান আগবঢ়াইছে অভিনেতাগৰাকীয়ে ৷

অক্ষয় কুমাৰে টুইটাৰ যোগে লিখে যে, "এয়া এনে এক সময় য'ত এতিয়া আমাৰ মানুহৰ জীৱনৰ অৰ্থ যথেষ্ট গুৰুত্বপূৰ্ণ হৈ পৰিছে ৷ আৰু তাৰ বাবে যি প্ৰয়োজন সেয়া আমি এই সময়ত কৰিব লাগে ৷ মই নৰেন্দ্ৰ মোডী পি.এম.কেয়াৰছ সাহায্য পুঁজিত 25 কোটি টকা দিয়াৰ শপত লৈছো ৷ আহক আমি সকলোৱে জীৱন বচাও ৷"

নৱ প্ৰজন্মৰ জনপ্ৰিয় অভিনেতা বৰুণ ধাৱানেও কৰ'ণা ভাইৰাছ ৰোধ কৰিবৰ বাবে প্ৰধানমন্ত্ৰীৰ সাহায্য পুঁজিত 30 লাখ টকাৰ অনুদান দিয়াৰ কথা ঘোষণা কৰে ৷ অভিনেতাগৰাকীয়ে কয়,মই প্ৰধানমন্ত্ৰীৰ সাহায্য পুঁজিত 30 লাখ টকাৰ সহযোগিতা আগবঢ়াম বুলি শপত লৈছো ৷ আমি এয়া নিঃশেষ কৰিম ৷ দেশ থাকিলেহে আমি থাকিম ৷" ইয়াৰ উপৰিও বৰুণ ধাৱানে মহাৰাষ্ট্ৰৰ মুখ্যমন্ত্ৰীৰ সাহায্য পুঁজিলৈ আগবঢ়াব 25 লাখ টকাৰ অনুদান ৷

লগতে পঢ়কঃৰাজ্য চৰকাৰলৈ এক লাখ টকাৰ অনুদান যতীন বৰাৰ