অভিনেতা অক্ষয় কুমাৰৰ মাতৃ আৰু নাই

তেওঁ মোৰ জীৱনৰ আটাইতকৈ গুৰুত্বপূৰ্ণ আছিল । আজি মই অসহনীয় বেদনাত আছো ৷ মোৰ মা অৰুণা ভাটিয়াই এই পৃথিৱী এৰি গৈছে আৰু এতিয়া তেওঁ দেউতাৰ সৈতে আন এখন পৃথিৱীলৈ গৈছে ৷ আমাৰ পৰিয়ালটো এই বেয়া সময়ৰ সৈতে যুঁজ দি আছে । আপোনালোক সকলোৰে প্ৰাৰ্থনাৰ প্ৰয়োজন- অক্ষয় কুমাৰ ৷

চিটাৰা ডেস্ক. 8 ছেপ্টেম্বৰ :অৱশেষত মৃত্যুৰে হাৰ মানিলেঅভিনেতা অক্ষয় কুমাৰৰ মাতৃয়ে ৷ বুধবাৰে পুৱা মুম্বাইৰ হীৰানন্দানী চিকিৎসালয়ৰ আই চি ইউত ইহলীলা সম্বৰণ কৰে বলিউড অভিনেতাগৰাকীৰ মাতৃয়ে । অক্ষয় কুমাৰে টুইটাৰযোগে এটা পোষ্ট শ্বেয়াৰ কৰি এই কথা প্ৰকাশ কৰে ৷

মাতৃৰ মৃত্যুৰ বাতৰি টুইটযোগে শ্বেয়াৰ কৰি অভিনেতাগৰাকীয়ে লিখে- "তেওঁ মোৰ জীৱনৰ আটাইতকৈ গুৰুত্বপূৰ্ণ আছিল । আজি মই অসহনীয় বেদনাত আছো ৷ মোৰ মা অৰুণা ভাটিয়াই এই পৃথিৱী এৰি গৈছে আৰু এতিয়া তেওঁ দেউতাৰ সৈতে আন এখন পৃথিৱীলৈ গৈছে ৷ আমাৰ পৰিয়ালটো এই বেয়া সময়ৰ সৈতে যুঁজ দি আছে । আপোনালোক সকলোৰে প্ৰাৰ্থনাৰ প্ৰয়োজন ৷"

অভিনেতাগৰাকীৰ মাতৃ অৰুণা ভাটিয়াৰ কিছুদিন পূৰ্বে স্বাস্থ্যৰ অৱনতি হোৱাত মুম্বাইৰ হীৰানন্দানী চিকিৎসালয়ৰ আই চি ইউত ভৰ্তি কৰোৱা হৈছিল । অক্ষয় কুমাৰে মঙলবাৰে অসুস্থ মাতৃৰ আৰোগ্য প্ৰাৰ্থনা কৰি ছ'চিয়েল মিডিয়াত এটা পোষ্ট শ্বেয়াৰ কৰিছিল ৷

কিন্তু হঠাৎ তেওঁৰ স্বাস্থ্যৰ অধিক অৱনতি ঘটাত বলীউডৰ অভিনেতাগৰাকীয়ে তেওঁক চাবলৈ তৎকালীনভাবে ব্ৰিটেইনৰ পৰা ভাৰতলৈ উভতি আহে ৷ ইয়াৰ পাছতেই আজি পুৱা চিকিৎসালয়তে শেষ নিশ্বাস ত্যাগ কৰে বলিউড অভিনেতা অক্ষয় কুমাৰৰ (Akshay Kumar) মাতৃ অৰুণা ভাটিয়া ।

লগতে পঢ়ক :ওপজা দিনত সুধাকণ্ঠলৈ সশ্ৰদ্ধ প্ৰণিপাত...