কানহাইয়া কুমাৰৰ হৈ প্ৰচাৰৰ উদ্দেশ্যে বেগুচৰাইত অভিনেত্ৰী শ্বাবানা আজমী

কানহাইয়া কুমাৰৰ ভিন্ন ৰাজনৈতিক উদ্দেশ্যৰ প্ৰতি আকৰ্ষিত হৈয়ে নিৰ্বাচনী প্ৰচাৰৰ উদ্দেশ্যে পাটনাত উপস্থিত হয় বলিউডৰ জনপ্ৰিয় অভিনেত্ৰী শ্বাবানা আজমী

পাটনা, 20 এপ্ৰিলঃ কানহাইয়া কুমাৰৰ হৈ নিৰ্বাচনী প্ৰচাৰৰ উদ্দেশ্যে বৃহস্পতিবাৰে মুম্বাইৰ পৰা পাটনাত উপস্থিত হয় জনপ্ৰিয় অভিনেত্ৰী শ্বাবানা আজমী ৷ কানহাইয়া কুমাৰৰ দেশ,কৃষক তথা দৰিদ্ৰ সকলৰ প্ৰতি থকা ধাৰণাত আকৃষ্ট হৈয়ে নিৰ্বাচনী প্ৰচাৰৰ উদ্দেশ্যে পাটনাত উপস্থিত হয় অভিনেত্ৰী গৰাকী ৷

উল্লেখ্য যে, প্ৰচাৰৰ লক্ষ্যৰে এদিন পূৰ্বেই বেগুচৰাইত উপস্থিত হৈছে জাবেদ আখতাৰ ৷ বেগুচৰাই সমষ্টিৰ পৰা কমিউনিষ্ট পাৰ্টিৰ হৈ প্ৰাৰ্থিত্ব আগবঢ়াইছে কানহাইয়া কুমাৰে ৷ ইতিপূৰ্বেও প্ৰাৰ্থী গৰাকীৰ হৈ সমষ্টিটোত প্ৰচাৰ চলাইছে আন বহু কেইগৰাকী বলিউডৰ তাৰকাই ৷