নেশ্যনেল ডেস্ক, 6 ছেপ্টেম্বৰ: HMD Global মালিকানাধীন নকিয়াই ইয়াৰ ফিচাৰ ফোনবোৰ ভাৰতলৈ আনিবলৈ সাজু হৈছে । ভাৰতৰ আটাইতকৈ পুৰণি মোবাইল নিৰ্মাতাই নকিয়া ২৬৬০ ফ্লিপ ফোনটো শীঘ্ৰেই ভাৰতত পুনৰ লঞ্চ কৰাৰ সিদ্ধান্ত গ্ৰহণ কৰিছে । ফোনটোত ডুৱেল স্ক্ৰীণৰ সুবিধা আছে, ইয়াৰ উপৰিও, ইয়াত এটা সৰু স্ক্ৰীণ আৰু এটা মজলীয়া ডাঙৰ ডিচপ্লেৰ সুবিধা আছে । সন্মুখত ফ্লিপ সমৰ্থন মোড দিয়া আছে । এই ফিচাৰ ফোনটোত এটা টি৯ কীবোৰ্ডও আছে(Latest Nokia 2660 Flip relaunched in India) ।
তথ্য মতে, Nokia 2660 Flip ফোনটোৰ মূল্য মাত্ৰ ৪,৬৯৯ টকা । ই বজাৰত নীলা, ক'লা আৰু ৰঙা ৰঙৰ বিকল্পত উপলব্ধ হ'ব । ইয়াক নকিয়া অনলাইন ষ্টোৰ আৰু যিকোনো আগশাৰীৰ ই-কমাৰ্চ ৱেবছাইটৰ লগতে সমগ্ৰ দেশৰ যিকোনো ৰিটেইল দোকানত উপলব্ধ হ'ব ।
Nokia 2660 Flip ফোনটোত ২.৮ ইঞ্চিৰ আন্তঃ-ডিচপ্লে আছে । স্ক্ৰীণখনত এটা জুম-ইন ইণ্টাৰফেচ আছে যি জ্যেষ্ঠ নাগৰিকসকলক স্ক্ৰীণত ওলোৱা পাঠ পঢ়িবলৈ সহায় কৰিব । অৱশ্যে, ইয়াৰ দ্বিতীয় স্ক্ৰীণটো ইন্টাৰেক্টিভ নহয় । ই কেৱল সময়, তাৰিখ আৰু অন্যান্য অধিসূচনা চাবলৈহে সহায় কৰে ।