মাইক্ৰ’ব্লগিং প্লেটফৰ্ম টুইটাৰৰ মুৰব্বী ইলন মাস্কৰ শেহতীয়া সিদ্ধান্তই পুনৰবাৰ সমগ্ৰ বিশ্বক হতভম্ব কৰি তুলিছে । শেহতীয়াকৈ মাস্কে ১৫০ কোটি টুইটাৰ একাউণ্ট ডিলিট কৰি পেলোৱাৰ কথা ঘোষণা কৰিছে । মাস্কে কয় যে, টুইটাৰে ১৫০ কোটি নিষ্ক্ৰিয় একাউণ্টৰ নাম ক্লিয়াৰ কৰিবলৈ ওলাইছে । এতিয়া আপুনি নিশ্চয় ভাবিছে যে, আপোনাৰ একাউণ্টটোও ডিলিট হ’ব নেকি? আপোনাৰ তথ্যৰ বাবে কওঁ যে, কেৱল সেই একাউণ্টসমূহহে ডিলিট কৰা হ’ব, যাৰ পৰা বিগত কেইবাবছৰ ধৰি কোনো ধৰণৰ টুইট কৰা হোৱা নাই ।
টুইটাৰত এই নিষ্ক্ৰিয় একাউণ্টসমূহ ডিলিট কৰাৰ বিষয়ে তথ্য দিছে ইলন মাস্কে । তেওঁ লিখিছে, “টুইটাৰে অতি শীঘ্ৰেই ১৫০ কোটি একাউণ্টৰ নাম খালী কৰিবলৈ আৰম্ভ কৰিব ।” ইয়াৰ লগে লগে প্লেটফৰ্মত ব্যৱহাৰৰ বাবে একাধিক টুইটাৰ হেণ্ডেল, ইউজাৰনেম আদি উপলব্ধ হ’ব । মাস্কে কয় যে, নিষ্ক্ৰিয় একাউণ্টটো ডিলিট কৰাটো স্পষ্ট, কাৰণ বিগত কেইবাবছৰ ধৰি ইয়াৰ পৰা এটাও টুইট কৰা হোৱা নাই ।
নিষ্ক্ৰিয় একাউণ্টসমূহ আঁতৰোৱা হ’ব
একাংশ টুইটাৰ ব্যৱহাৰকাৰীয়ে অভিযোগ কৰিছে যে, নিষ্ক্ৰিয় ব্যৱহাৰকাৰীৰ টুইটাৰ হেণ্ডেল আৰু ব্যৱহাৰকাৰীৰ নাম থাকে যিটো আন ব্যৱহাৰকাৰীয়েও বিচাৰে । টুইটাৰৰ প্ৰথম দিনত এনে হেণ্ডেল আৰু ইউজাৰনেম ধৰা পৰিছিল(Inactive Twitter accounts will be removed) ।
একে সময়তে টুইটাৰে মাত্ৰ ১৩.৭ কোটি ব্যৱহাৰকাৰীক মুদ্ৰাকৰণযোগ্য দৈনিক এক্টিভ ব্যৱহাৰকাৰী হিচাপে গণনা কৰিছে । এইসকল এনে ব্যৱহাৰকাৰী, যিসকল প্লেটফৰ্মত সক্ৰিয় আৰু তেওঁলোকে বিজ্ঞাপনো দেখে ।