নিউজ ডেস্ক, 6 জানুৱাৰী :বুধবাৰে (6 জানুৱাৰী) ৰাতিপুৱা হোৱাটছ এপ পৰীক্ষা কৰোতে সকলোৰে মোবাইলত এটা পপ-আপ নিৰ্দেশনা আহিছিল আৰু তাত হোৱাটছ এপে ইয়াৰ গোপনীয়তাৰ নীতি সন্দৰ্ভত সংশোধনৰ কথা উল্লেখ কৰিছিল ৷
হোৱাটছ এপৰ এই আপডেটৰ মুখ্য নীতিসমূহ হৈছে :-
- হোৱাটছএ এপ ছাৰ্ভিচ আৰু তথ্যসমূহ কিদৰে সংশোধন কৰা হ’ব ৷
- ব্যৱসায়সমূহে কিদৰে ফেচবুকৰ সেৱাসমূহ সংৰক্ষণ কৰিব আৰু তেওঁলোকৰ হোৱাটছ এপ বাৰ্তাসমূহ ব্যৱহাৰ কৰিব ৷
- হোৱাটছ এপে ফেচবুকৰ সৈতে একেলগে তেওঁলোকৰ প্ৰডাক্টসমূহ একেলগে কিদৰে সংহত কৰিব ৷
- এইসকলো সংশোধন 8 ফেব্ৰুৱাৰীৰ পৰা প্ৰযোজ্য হ’ব ৷
- যেতিয়াই এই পপ-আপ নিৰ্দেশনা মানি ল’ব তেতিয়াই ব্যৱহাৰকাৰীৰ বাবে এইসমূহ সংশোধন অহা 8 ফেব্ৰুৱাৰীৰ পৰা প্ৰযোজ্য হ’ব ৷
- তাৰ পৰৱৰ্তী সময়ৰ পৰাই ব্যৱহাৰীকাৰীয়ে এই সংশোধনসমূহ মানি ল’ব লাগিব ৷
ভাৰতৰ চাইবাৰ সুৰক্ষা সংস্থাৰ মহানিৰ্দেশক তথা চাইবাৰ সুৰক্ষা বিশেষজ্ঞ কৰ্ণেল ইন্দ্ৰজিৎ সিঙৰ মতে এই সংশোধনে আপোনাক ব্যৱহাৰকাৰীৰ পৰিৱৰ্তে হোৱাটছএপৰ এটা সম্পদ হিচাপে ধৰি ল’ব ৷ ইয়াৰ অৰ্থ এইটোৱেই হৈছে যে, ব্যৱহাৰকাৰীয়ে হোৱাটছএপত যিয়ে শ্বেয়াৰ কৰিব সেয়া আৰু গোপনীয় হৈ নাথাকে ৷ যদিও হোৱাটছ এপে "end to end encryption"ৰ কথা কৈছে তথাপিও হোৱাটছ এপত আপোনাৰ তথ্যসমূহ আৰু আগৰদৰে সুৰক্ষিত হৈ নাথাকিব ৷
কৰ্ণেল ইন্দ্ৰজিৎ সিঙে কয় যে, এয়া মাত্ৰ কিছু সময়ৰ কথা, যেতিয়াই আমি হোৱাটছএপৰ পৰা ফেচবুকলৈ যাওঁ, সেই ফেচবুক যিয়ে, আপোনাৰ সকলো ব্যক্তিগত তথ্য ইয়াৰ ব্যৱসায়ৰ বাবে চুৰি কৰি আহিছে ৷ হোৱাটছ এপে এতিয়াৰে পৰা আপোনাৰ তথ্য ইনষ্টাগ্ৰাম আৰু ফেচবুকলৈ লৈ যাব আৰু এতিয়াৰে পৰাই ফেচবুকে আপোনাক আগতকৈয়ো অধিক পৰিমানে নিৰীক্ষণত ৰাখিব ৷ এতিয়াৰে পৰাই সামাজিক মাধ্যমৰ গোপনীয়তা আৰু কোনো গোপনীয় হৈ নাথাকে ৷
লগতে পঢ়ক :দেশৰ প্ৰথমটো ২৪X৭ মোৱাইল নিউজ এপ 'ইটিভি ভাৰত' আপোনাৰ মাজত
