খুমটাই চিনাতলীৰ এগৰাকী দিব্যাংগ শিল্পী গোপাল কাকতি

জন্মান্ধ শিল্পী গৰাকীয়ে সৰু কালৰে পৰাই পৰিৱেশন কৰি আহিছে লোকগীত, টোকাৰী গীত৷ কিন্তু শিল্পীগৰাকীয়ে বৰ্তমানেও পোৱা নাই কোনো ৰাজ সাহাৰ্য শিল্পী পেঞ্চন

খুমটাই, 8 মে': ৰাজসাহাৰ্য অবিহনে জীৱন অতিবাহিত কৰা এগৰাকী দিব্যাংগ শিল্পী খুমটাই চিনাতলিৰ গোপাল কাকতি। জন্মান্ধ শিল্পী গৰাকীয়ে সৰু কালৰে পৰাই পৰিৱেশন কৰি আহিছে লোকগীত, টোকাৰী গীত ৷ কিন্তু শিল্পীগৰাকীয়ে বৰ্তমানেও পোৱা নাই কোনো ৰাজ সাহাৰ্য বা শিল্পী পেঞ্চন।

২০বছৰ ধৰি বৰদোৱাতে অস্থায়ী ভাৱে থিতাপি লোৱা শিল্পীগৰাকীয়ে দৰ্শনাথীৰ দানেৰেই জীৱন অতিবাহিত কৰি আহিছে ৷ জীৱনৰ শেষ কালছোৱাত গৃহহীন কাকতিয়ে এটি স্থায়ী গৃহ নিৰ্মাণ কৰি দিয়াৰ লগতে শিল্পী পেঞ্চনৰ ব্যৱস্থা কৰাৰ বাবে আহ্বান জনাইছে চৰকাৰক ৷