নিউজ ডেস্ক, 24 এপ্ৰিলঃএগৰাকী 14 বছৰীয়া কিশোৰীক ছুৰীৰে আঘাত কৰি হত্যাৰ চেষ্টা কৰা 18 বছৰীয়া যুৱক এজনক গ্ৰেপ্তাৰ কৰে আৰক্ষীয়ে । ঘটনাৰ স্থান মহাৰাষ্ট্ৰৰ ভিৱান্দি চহৰ ।
প্ৰেম আৰু বিবাহৰ প্ৰস্তাৱ প্ৰত্যাখ্যান কৰা বাবেই যুৱকজনে কিশোৰী গৰাকীক ছুৰীৰে আক্ৰমণ কৰি হত্যাৰ চেষ্টা চলাই । এই আক্ৰমণত গুৰুতৰভাৱে আঘাতপ্ৰাপ্ত হয় কিশোৰীগৰাকী । কিশোৰী গৰাকীক আঘাত কৰি যুৱকজনেও একেখন ছুৰীৰে নিজৰ ডিঙিত ৰেপি আত্মহত্যাৰ চেষ্টা কৰে । তাৰ পাচত দুয়োকে ততাতৈয়াকৈ চিকিৎসালয়ত ভৰ্তি কৰোৱা হয় । পাচত যুৱকজনক চিকিৎসকে সংকটমুক্ত ঘোষণা কৰি মুকলি কৰাৰ পাচতে আৰক্ষীয়ে গ্ৰেপ্তাৰ কৰে । আনহাতে কিশোৰীগৰাকী এতিয়াও সংকটজনক অৱস্থাত আছে ।