তিনিচুকীয়া,30জুলাইঃ তিনিচুকীয়া চহৰত সঘনাই সংঘটিত হৈ থকা ডকাইতি কাণ্ডৰ বিৰুদ্ধে তিনিচুকীয়া আৰক্ষীয়ে অব্যাহত ৰাখিছে অভিযান । মঙলবাৰে তিনিচুকীয়াৰ গুইজানৰ নতুন গাঁৱৰ পৰা দুটাকৈ দুধৰ্ষ ডকাইত আটক কৰে তিনিচুকীয়া আৰক্ষীয়ে । উল্লেখ্য যে কিছুদিন পূৰ্বে চহৰখনৰ নপুখুৰীত থকা মহাবীৰ কল্ড ষ্ট'ৰ নামৰ প্ৰতিষ্ঠানখনত সংঘটিত হৈছিল এক ভয়ংকৰ ডকাইতি কাণ্ড । পিষ্টল লৈ বাইকেৰে অহা চাৰিজনীয়া ডকাইতৰ দলে মহাবীৰ কল্ড ষ্টৰ নামৰ প্ৰতিষ্ঠানখনত প্ৰৱেশ কৰি উপস্থিত কৰ্মচাৰীৰ পৰা নগদ ১২,৫০০/- টকা আৰু তিনিটা ম'বাইল লৈ উধাও হৈছিল । ইফালে এই ডকাইতি কাণ্ডৰ সমগ্ৰ দৃশ্য বন্দী হৈছিল প্ৰতিষ্ঠানখনৰ চি চি টি ভি কেমেৰাত । পাচত চি চি টিভি কেমেৰাৰ ফুটেজৰ ভিত্তিত অভিযান চলাই মঙলবাৰে দলটোৰ দুটা ডকাইতক আটক কৰে তিনিচুকীয়া আৰক্ষীয়ে ।
তিনিচুকীয়াত চি চি টিভি ফুটেজৰ ভিত্তিত আটক 2 দুধৰ্ষ ডকাইত