7 খন বাইক সহ তেজপুৰ আৰক্ষীৰ জালত দুই আন্তঃ ৰাষ্ট্ৰীয় গাড়ী চোৰ

চোৰ দুটাৰ পৰা আটক সাতখনকৈ বাইকসহ চুৰিকাৰ্যত ব্যৱহৃত বিভিন্ন সামগ্ৰী ৷

তেজপুৰ, 28 জুন:বুধবাৰে নিশা তেজপুৰ আৰক্ষীৰ জালত পৰিল দুই গভাইত গাড়ী চোৰ ৷ শোণিতপুৰ জিলাৰ আৰক্ষী অধীক্ষক কুমাৰ সঞ্জীত কৃষ্ণৰ নেতৃত্বত আৰক্ষীৰ দলে বুধবাৰে নিশা প্ৰায় ২ বজাত শোণিতপুৰ জিলাৰ ঠেলামৰাৰ খাগৰিজানৰ পৰা আটক কৰে ইক্ৰমোল হুছেইন আৰু মইনুল ইছলাম নামৰ চোৰ দুটাক ৷ চোৰ দুটাৰ পৰা সাত খনকৈ বাইকৰ লগতে আৰক্ষীয়ে উদ্ধাৰ কৰে চুৰিকাৰ্যত ব্যৱহাৰ বিভিন্ন সামগ্ৰী ৷

কেৱল বাইক চুৰিৰ লগতে নাহয়, আন্তঃ ৰাষ্ট্ৰীয় গাড়ী চুৰি চক্ৰৰ লগতো এই চোৰ দুটাৰ সংযোগ থকাৰ কথা জানিবলৈ দিছে আৰক্ষীয়ে । আনহাতে ইক্ৰমোল হৈছে এটা দাগী অপৰাধী । চুৰি কৰা গাড়ীসমূহ অসমৰ পৰা ডিমাপুৰলৈ নি চোৰাংভাৱে বিক্ৰী কৰাৰ কথাও স্বীকাৰ কৰিছে চোৰ দুটাই ৷