গুৱাহাটী, 5 আগষ্ট : গোশালা আৰক্ষীৰ জালত পৰিছে এটা দুৰ্ধৰ্ষ বাইক চোৰ । হীৰক বড়ো নামৰ চোৰটোৱে মংগলবাৰে পুৱতি নিশা মালিগাঁও পূৱ মাধৱদেৱ নগৰৰ পৰা এখন 220 পালচাৰ বাইক চুৰি কৰি লৈ যায় । বাহাৰুল আলী নামৰ লোকজনৰ আছিল বাইকখন । নিজৰ বাইকখন চুৰি হোৱাৰ খবৰ পাই লোকজনে কাষ চাপে গোশালা আৰক্ষীৰ ।
গোশালা আৰক্ষীয়ে তাৎক্ষণিকভাৱে ঘটনা সন্দৰ্ভত অনুসন্ধান চলায় । বাইকখনত সংস্থাপিত জিপিএছৰ সহায়ত যোৰাবাটত বাইকখনৰ উপস্থিতিৰ সন্ধান লাভ কৰে আৰক্ষীয়ে । পিছত যোৰাবাট আৰক্ষীৰ সহযোগত গোশালা আৰক্ষীৰ এটা দলে যোৰাবাটত অভিযান চলাই গ্ৰেপ্তাৰ কৰে দুৰ্ধৰ্ষ চোৰটোক ।