ৰঙিয়া, 14 মে': ৰঙিয়াত অনৈতিক কাৰ্যৰ বিৰুদ্ধে ক্ষুব্ধ মহিলাৰ ৰণচণ্ডী মূৰ্তি । অসামাজিক কাৰ্যত লিপ্ত থকাৰ অভিযোগত মহিলাক গছত বান্ধি শাস্তি । মঙলবাৰে উদিয়ানাত অনৈতিক কাৰ্যত লিপ্ত থকাৰ অৱস্থাতে দুহাল পুৰুষ আৰু মহিলাক হাতে-লোটে ধৰে স্থানীয় মহিলা সকলে। কিন্তু চেগ বুজি পলায়ন কৰে এগৰাকী যুৱতী আৰু এজন যুৱক। এনে অসামাজিক কাৰ্য চলি থকাৰ অভিযোগত ক্ষুন্ন হৈ পৰে গাঁওবাসী ।
অ-সামাজিক কাৰ্যত লিপ্ত থকাৰ অভিযোগত মহিলাক গছত বান্ধি শাস্তি
ৰঙিয়াত দেহ ব্যৱসায়ত জড়িত থকাৰ সন্দেহত মহিলাক গছত বান্ধি থোৱাৰ অভিযোগ। আৰক্ষীৰ উপস্থিতিত পৰিস্থিতি নিয়ন্ত্ৰণ
উত্তেজিত মহিলাসকলে অভিযুক্ত মহিলাগৰাকীক এডাল গছত বান্ধি ৰাজহুৱা শাস্তি প্ৰদান কৰে । আনকি একাংশই প্ৰহাৰো কৰে মহিলাগৰাকীক । আনহাতে অনৈতিক কাৰ্যত লিপ্ত এজন যুৱককো আটক কৰি লপা-থপা দিয়ে উত্তেজ্ঞিত ৰাইজে। পিছত ঘটনাস্থলীত আৰক্ষী উপস্থিত হৈ পৰিস্থিতি নিয়ন্ত্ৰণ কৰে । ৰাইজৰ অভিযোগ দীৰ্ঘদিনৰ পৰা এই ঘৰটোত দেহ ব্যৱসায় চলি আহিছে।
কিন্তু এনেদৰে আইন হাতত তুলি লোৱা কিমান দূৰ সমিচীন আৰু কিমান দিনলৈ অসমত ৰাইজে এইদৰে নিজৰ হাতত আইন তুলি দোষী-নিৰ্দোষী বিচাৰ কৰি শাস্তি ধাৰ্য কৰিব সেইয়া এক চিন্তনীয় বিষয়!