বিদ্যালয়ৰ বন্ধ কোঠাত শিক্ষকৰ কামনাৰ বলি সহকাৰী ৰান্ধনী

কৰিমগঞ্জত চাকৰি নিয়মীয়াকৰণৰ প্ৰলোভনেৰে এজন শিক্ষকে অসৎ কাৰ্য চৰিতাৰ্থ কৰিলে বিদ্যালয়খনৰ গৰাকী ৰান্ধনী লগত ৷ বিদ্যালয়ৰ ভিতৰতে এনে জঘন্য কাণ্ড সংঘটিত কৰাত শিক্ষক জনৰ বিৰুদ্ধে ক্ষোভিত হৈ পৰিছে স্থানীয় লোক

কৰিমগঞ্জ, 12 জুনঃ কৰিমগঞ্জত নূৰ আহমদ নামৰ শিক্ষকৰ কামনাৰ বলি হ'ল ফকিৰটিলা প্ৰাথমিক বিদ্যালয়ৰ সহকাৰি ৰান্ধনী । অভিযোগ অনুসৰি নূৰ আহমদে ৰান্ধনীগৰাকীক বিদ্যালয়ৰ এটা কোঠাতে প্ৰথমে ধৰ্ষণ কৰাৰ বিপৰীতে চাকৰি নিয়মিত কৰণৰ প্ৰলোভনেৰে সহবাস কৰি আহিছিল৷ বিদ্যালয়ৰ শিক্ষকৰ এনে কামত অন্তসত্বা হৈ পৰে যুৱতী গৰাকী ।

তাৰোপৰি নূৰ আহমদক বৰ্তমান বিয়াৰ হেঁচা দিলেও বিয়া কৰাবলৈ অস্বীকাৰ কৰে অভিযুক্তই ৷ অৱশেষত উপায়হীন হৈ কৰিমগঞ্জ সদৰ থানাত গোচৰ তৰে যুৱতী গৰাকীৰ পৰিয়ালৰ লোকে । বিদ্যালয়ৰ ভিতৰতে এনে জঘন্য কাণ্ড সংঘটিত কৰাৰ বাবে শিক্ষকৰ বিৰুদ্ধে ক্ষোভিত হৈ পৰিছে স্থানীয় ৰাইজ ৷

আৰু পঢ়কঃ 'বায়ু'ৰ কৱলত গুজৰাট : বৃহৎ ক্ষয়-ক্ষতিৰ আশংকা