বৰপেটাত এক্সিচ বেংক একাউন্টৰ পৰা দুৰ্বৃত্তই লুটিলে ৫০ হেজাৰ টকা

বৰপেটাৰ এটা এক্সিচ বেংক একাউন্টৰ পৰা দুৰ্বৃত্তই ৫০ হেজাৰ টকা লুটি নিয়াৰ অভিযোগ ৷ ইতিমধ্যে এই সন্দৰ্ভত এজাহাৰ দাখিল বৰপেটা সদৰ থানাত ৷ ইফালে এই সংক্ৰান্তত বেংকটোৰ প্ৰৱন্ধকগৰাকীয়ে কোনোধৰণৰ গুৰুত্ব নিদিয়াৰ অভিযোগ ৷

জনীয়া,11 মাৰ্চঃ বৰপেটাৰ ইকবাল ফৰিদ নামৰ এগৰাকী ব্যক্তিৰ এক্সিচ বেংক একাউন্টৰ পৰা দুৰ্বৃত্তই লুটি নিয়ে ৫০ হেজাৰ টকা ৷ অভিযোগ মতে, যোৱা ১৫ ফেব্ৰুৱাৰীত নিশা ১০ বাজি 9 মিনিটত ১০ হাজাৰকৈ পাঁচ বাৰত মুঠ ৫০ হেজাৰ টকা লুটি নিয়ে দুৰ্বৃত্তই । ঘটনা সন্দৰ্ভত ভুক্তভোগী ইকবাল ফৰিদে বৰপেটা সদৰ থানাত এজাহাৰ দাখিল কৰাত আৰক্ষীয়ে C/No-341/2020 US 420/406/379 IPC নম্বৰত এক গোচৰ ৰুজু কৰি তদন্ত অব্যাহত ৰাখিছে ৷

ইফালে এই সংক্ৰান্তত বেংকটোৰ প্ৰৱন্ধকগৰাকীয়ে কোনোধৰণৰ গুৰুত্ব নিদিয়াৰ অভিযোগ ভুক্তভোগীৰ ৷ এই ক্ষেত্ৰত বৰপেটা এক্সিচ বেংকটোৰ প্ৰৱন্ধকগৰাকীৰ গা-এৰা মনোভাৱকলৈ এতিয়া চিন্তিত হৈ পৰিছে ভুক্তভোগীৰ লগতে অন্যান্য একাউন্টৰ গৰাকীসকল ৷

লগতে পঢ়কঃওদালগুৰিত বুজন পৰিমানৰ অবৈধ অস্ত্ৰ উদ্ধাৰ