খুৰাকে যৌন নিৰ্যাতন চলালে নাবালিকাক

চকলেট আৰু মবাইল দেখুওৱাৰ প্ৰলোভনেৰে নিজ ঘৰলৈ মাতি নি চাৰিবছৰীয়া এগৰাকী নাবালিকাক ধৰ্ষণ কৰে সম্পৰ্কীয় খুৰাকে ৷ কৰিমগঞ্জৰ সুপ্ৰাকান্দিৰ পিননগৰত সংঘটিত এই ঘটনা ৷

কৰিমগঞ্জ, 6 মাৰ্চঃ মানৱ সমাজক লজ্জানত কৰা ঘটনা বৃদ্ধি পাইছে প্ৰতিদিনে ৷ একাংশ মানুহৰ পাশৱিক মনোবৃত্তিয়ে চেৰাই গৈছে সকলো সীমা ৷ তেনে এক অপৰাধ সংঘটিত হ'ল কৰিমগঞ্জ জিলাৰ সুপ্ৰাকান্দিৰ পিননগৰত ৷ এগৰাকী চাৰি বছৰীয়া কণমাণি বলি হ'ব লগীয়া হ'ল সম্পৰ্কীয় খুৰাকৰ যৌন কামনাৰ ৷

অভিযুক্ত ৰামকৃষ্ণ নমশূদ্ৰয়

ৰামকৃষ্ণ নমশূদ্ৰয় নামৰ পাশৱিক মনোবৃত্তিৰ যুৱকজনে চকলেট আৰু মবাইল দেখুওৱাৰ প্ৰলোভনেৰে কণমাণিজনীক মাতি নিয়ে নিজ ঘৰলৈ ৷ আৰু নিজ ঘৰতে সংঘটিত কৰে দুষ্কাৰ্য ৷

পিচত কণমাণি জনীয়ে সকলো কথা অভিভাৱকক অৱগত কৰাত কৰিমগঞ্জৰ সদৰ থানাত গোচৰ তৰে ৷ সদৰ থানাত পস্ক' আইনৰ অধীনত গোচৰ ৰুজু কৰি নিলামবাজাৰ আৰক্ষী চকীলৈ গোচৰটো প্ৰেৰণ কৰে ৷ পাচত নিলামবাজাৰ আৰক্ষীয়ে অভিয়ুক্ত যুৱকজনক পাথাৰকান্দিৰ লোয়াইৰপোয়াৰৰ পৰা আত্মগোপন কৰি থকা ঠাইত গ্ৰেপ্তাৰ কৰে ৷

লগতে পঢ়কঃ যুৱতীৰ শ্লীলতা হানিৰ চেষ্টা কৰি গ্ৰেপ্তাৰ হ'ল এম্বুলেঞ্চ চালক