অৱশেষত কমলপুৰ আৰক্ষীৰ জালত পৰিল ধুহি কাণ্ডৰ মূল অভিযুক্ত

হত্যাকাণ্ড সংঘটিত কৰি মহানগৰীত আত্মগোপন কৰি আছিল হত্যাকাৰী ৰিজুল আলী

কামৰূপ, 27 মাৰ্চ: কমলপুৰ আৰক্ষীয়ে অৱশেষত আটক কৰিলে ধুহি গাঁৱত হত্যাকাণ্ড সংঘটিত কৰি মহানগৰীত আত্মগোপন কৰি থকা অপৰাধী ৰিজুল আলীক ৷ যোৱা 22 মাৰ্চত কামৰূপ কঞা থানাৰ অন্তৰ্গত ধুহী গাঁৱত আছিফ আহমেদ নামৰ এগৰকী 20 বছৰীয়া যুৱকক চোকা অস্ত্ৰেৰে হানি-খুচি নৃশংসভাৱে হত্যা কৰিছিল ৰিজুল আলীয়ে ৷

হত্যাকাণ্ড সংঘটিত কৰাৰ পাচতেই হত্যাকাৰীৰ বিৰুদ্ধে উচিত শাস্তিৰ দাবীত উত্তপ্ত হৈ পৰিছিল স্থানীয় ৰাইজ ৷ হত্যাকাৰীৰ বাসগৃহ ভাঙি তচনচ কৰাৰ লগতে একাংশই ঘৰত অগ্নিসংযোগ কৰি পৰিস্থিতি অধিক ভয়াৱহ কৰি তুলিছিল ৷ অৱশেষত, গুৱাহাটী মহানগৰীৰ এক অজ্ঞাত স্থানত আত্মগোপন কৰি থকাৰ পৰা বুধবাৰে কমলপুৰ আৰক্ষীয়ে ধুহি কাণ্ডৰ মূল অভিযুক্ত ৰিজুল আলীক আটক কৰে ৷