মালিগাঁও,16 জুলাই: মহানগৰীৰ মালিগাঁৱত সংঘটিত হৈছে এক চাঞ্চল্যকৰ ঘটনা ৷ কামাখ্যা নাৰ্ছাৰীত পত্নীক কেৰাচিন ঢালি হত্যাৰ অপচেষ্টা স্বামীৰ ৷ স্থানীয় ৰাইজৰ তৎপৰতাত প্ৰাণ ৰক্ষা পৰে মহিলাগৰাকী। পাষণ্ড স্বামীগৰাকীৰ নাম ৰিতু কলিতা বুলি জানিব পৰা গৈছে ।
নিচাযুক্ত সামগ্ৰী ক্ৰয়ৰ বাবে ধন খোজাক লৈ পত্নীৰ সৈতে কাজিয়াৰ সূত্ৰপাত হৈছিল স্বামীগৰাকীৰ। তাৰ বাবেই পত্নীক হত্যাৰ অপচেষ্টা চলোৱাৰ অভিযোগ স্থানীয় ৰাইজৰ। পূৰ্বেও পত্নীক আক্ৰমণ কৰাৰ অভিযোগ উত্থাপন হৈছে স্বামী ৰিতু কলিতাৰ বিৰুদ্ধে।
উল্লেখ্য যে,ৰিতু কলিতাই ড্ৰাগছৰ বাবেই অঞ্চলটোত বিশৃংখল পৰিৱেশ সৃষ্টি কৰি অহাৰ অভিযোগ ৰাইজৰ। সম্প্ৰতি জালুকবাৰী আৰক্ষী উপস্থিত হৈ মহিলাগৰাকীক উদ্ধাৰ কৰি চিকিৎসালয়লৈ প্ৰেৰণ কৰিছে। তাৰোপৰি আৰক্ষীয়ে আটক কৰিছে স্বামী ৰিতু কলিতাক ।