ডুমডুমা নগৰৰ মাজমজিয়াত নিচাসক্ত এম্বুলেঞ্চ চালকৰ অতপালি

ডুমডুমা নগৰৰ মাজমজিয়াত নিচাসক্ত এম্বুলেঞ্চ চালকৰ অতপালি । ৰাইজে কৰায়ত্ত কৰি গতালে আৰক্ষীক ।

ডুমডুমা, 17 জুন :ডুমডুমা নগৰৰ মাজমজিয়াত নিচাসক্ত এম্বুলেঞ্চ চালকৰ অতপালিত অতিষ্ঠ হৈ ৰাইজে নিচাসক্ত এম্বুলেঞ্চ চালকজনক ধৰি ডুমডুমা আৰক্ষীক গতাই দিয়ে । স্থানীয় ৰাইজৰ অভিযোগ অনুসৰি, নিচাসক্ত এম্বুলেঞ্চ চালকজনে ডুমডুমা নগৰখনত মাজমজিয়াত AS-06-E-0577 নম্বৰৰ এখন এম্বুলেঞ্চ বিকট শব্দৰে চাইৰেন বজাই তীব্ৰ গতিত চলাই ঘূৰি ফুৰিছিল । নগৰখনৰ মাজমজিয়াত এনেদৰে এম্বুলেঞ্চখন চলোৱা প্ৰতক্ষ কৰি স্থানীয় লোকসকলে এম্বুলেঞ্চখন ৰখোৱাৰ পাছতহে আছল ঘটনা পোহৰলৈ আহে । এম্বুলেঞ্চখনত থকা চালকজন নিচাসক্ত অৱস্থাত দেখা পাই স্থানীয় লোকসকলে ডুমডুমা আৰক্ষীক খবৰ দিয়ে । পৰৱৰ্তী সময়ত ডুমডুমা আৰক্ষী উক্ত স্থানত উপস্থিত হৈ এম্বুলেঞ্চখনৰ লগতে নিচাসক্ত অৱস্থাত থকা চালকজনক আৰক্ষী থানালৈ লৈ যায় ।

লগতে পঢ়কঃ108ৰ চালকক আক্ৰমণৰ ঘটনাত জড়িত এজনক গ্ৰেপ্তাৰ