শিলচৰত লক্ষাধিক টকা মূল্যৰ ড্ৰাগছসহ গ্ৰেপ্তাৰ যুৱক

শিলচৰৰ তাৰাপুৰৰ পৰা AS-11L-8944 পঞ্জীয়নভুক্ত এখন বাহনৰ পৰা জব্দ হয় লক্ষাধিক টকা মূল্যৰ নিষিদ্ধ ড্ৰাগছ ৷ গোপন খবৰৰ ভিত্তিত স্থানীয় আৰক্ষীয়ে ছাইদুল ইছলাম লস্কৰ নামৰ যুৱকজনক গ্ৰেপ্তাৰ কৰাৰ লগতে ড্ৰাগছখিনি জব্দ কৰে ৷

শিলচৰ, 27 নৱেম্বৰঃ ৰাজ্যত অব্যাহত আছে নিষিদ্ধ ড্ৰাগছৰ চোৰাং বেহা ৷ শেহতীয়াকৈ শিলচৰত লক্ষাধিক টকাৰ ড্ৰাগছ জব্দ কৰিবলৈ সক্ষম হৈছে আৰক্ষীয়ে ৷

লগতে পঢ়কঃ ৰাজ্যত নিষিদ্ধ হ'ল গুটখা

বিশেষ সূত্ৰৰ পৰা লাভ কৰা খবৰৰ ভিত্তিত শিলচৰৰ তাৰাপুৰত এক অভিযান চলায় আৰক্ষীয়ে ৷ তাৰাপুৰ আৰক্ষীৰ ভাৰপ্ৰাপ্ত বিষয়াৰ নেতৃত্বত চলা এই অভিযানৰ সময়তে জব্দ হয় লক্ষাধিক টকা মূল্যৰ নিষিদ্ধ ড্ৰাগছ ৷

লগতে পঢ়কঃ শ্ৰীহৰিকোটাৰ পৰা ইছৰোয়ে উৎক্ষেপন কৰিলে PSLV-C47

অভিযানৰ সময়তে আৰক্ষীয়ে AS-11L-8944 নম্বৰত পঞ্জীয়নভুক্ত এখন বাহনৰ পৰা 22 টা ড্ৰাগছ ভৰ্তি কন্টেইনাৰ জব্দ কৰে ৷ ঘটনা সন্দৰ্ভত শালচাপৰা গাগৰাপাৰৰ ছাইদুল ইছলাম লস্কৰ নামৰ এজন যুৱকক গ্ৰেপ্তাৰ কৰিছে আৰক্ষীয়ে ৷

লগতে পঢ়কঃ কামাণ্ডো-3 ৰ এক শিহৰণকাৰী পাঁচ মিনিটৰ ভিডিঅ' মুক্তি