নগাঁৱত জব্দ বৃহৎ পৰিমাণৰ ড্ৰাগছ

নগাঁৱত ভয়ংকৰ ভাবে বৃদ্ধি পাইছে ড্ৰাগছৰ ৰমৰমীয়া বেহা ৷ ড্ৰাগছৰ বেহাত জড়িত মহিলা । ছদ্মবেশত অভিযান চলাই আৰক্ষীয়ে আটক কৰিছে মহিলাসহ পাঁচ ব্যৱসায়ীক । ধৃত পাঁচ ব্যৱসায়ীক ৰাজপথত আঁঠু কঢ়ালে আৰক্ষীয়ে ।

নগাঁও, 28 আগষ্ট:নগাঁৱৰ ৰাজপথত কাণত ধৰি আঁঠু কাঢ়িলে দুই মহিলাসহ তিনি যুৱকে । লোক কেইজনৰ বিৰুদ্ধে নগাঁও ৰে’ল ষ্টেচনৰ সমীপত দীৰ্ঘদিন ধৰি নিষিদ্ধ ড্ৰাগছৰ ব্যৱসায় চলাই অহাৰ অভিযোগ উত্থাপন হৈছে ৷

শুকুৰবাৰে নগাঁও আৰক্ষীৰ নগৰ শাখাৰ ভাৰপ্ৰাপ্ত বিষয়া কুন্দন ৰবি দাস আৰু মৰিকলং আৰক্ষী চকীৰ ভাৰপ্ৰাপ্ত বিষয়া কৈলাস নায়াৰৰনেতৃত্বত আৰক্ষীৰ এটা দলে অসামৰিক পোছাকত ৰে’ল ষ্টেচনৰ সমীপৰ এটা বাসগৃহত চলায় অভিযান ।

আৰক্ষীৰ এই অভিযানত বৃহৎ পৰিমাণৰ নিষিদ্ধ ড্ৰাগছ, নিচাজাতীয় ঔষধ জব্দ কৰাৰ লগতে পাঁচজনকৈ ব্যৱসায়ীক আটক কৰিবলৈ সক্ষম হয় ৷ আৰক্ষীয়ে আটক কৰা লোক কেইজন হৈছে ক্ৰমেফুল বেগম, ৰাবিয়া বেগম, নুৰুল ইছলাম, জহিৰুল ইছলামআৰু দ্বীপ বৰা ৷ আটাইকেইজনক কাণত ধৰি ৰাজপথত আঁঠু কঢ়ালে আৰক্ষীয়ে ।

লগতে চাওক-কিয় পিতৃৰ কাষলৈ যাবলৈ ভয় নিজ সন্তানৰ !