মৰিগাঁৱত চি আৰ পি এফৰ জোৱানৰ ঘৰত CBI ৰ অভিযান

চি আৰ পি এফ ৰ জোৱানৰ চাইবাৰ অপৰাধ ৷ হঠাৎ চিবিআইয়ে চলালে তদন্ত ৷

মৰিগাঁও, 22 অক্টোবৰ:মৰিগাঁও কপাহেৰাত এজন চি আৰপিএফৰ জোৱানৰ বাসগৃহত চিবিআইয়ে চলালে তদন্ত ৷ পল্লৱ জ্যোতি ফুকন নামৰ চি আৰপিএফৰ জোৱানজনৰ বিৰুদ্ধে উত্থাপিত হৈছে একাধিক চাইবাৰ অপৰাধৰ অভিযোগ ৷ বেংক একাউন্ট হেক কৰি বহুলোকৰ পৰা ধন লুট কৰাৰ দৰে ঘটনা সংঘটিত কৰাৰ অভিযোগ জোৱানজনৰ বিৰুদ্ধে।

অভিযুক্ত চিআৰপিএফ জোৱান পল্লব জ্যোতি ফুকন (ফাইল ফটো)

জোৱানজন বৰ্তমান ছট্টিশগড়ত কৰ্মৰত বুলি জানিব পৰা গৈছে ৷ মঙলবাৰে পুৱা ৮ বজাৰ পৰা ১১.৩০ লৈ জোৱানজনৰ বাসগৃহত চিবিআইয়ে হঠাতে অভিযান চলায় ৷ অভিযানকাৰী চিবিআইৰ দলটোৱে জোৱানজনৰ বাসগৃহৰ পৰা বেংকৰ পাছবুক,মাটিৰ নথি-পত্ৰকে ধৰি বহু গুৰুত্বপূৰ্ণ নথি-পত্ৰ জব্দ কৰি লৈ যায় ৷