বিদেশী মুদ্ৰা সহ আটক চুৰৰ এটা গেংক

কাছাৰত বিদেশী টকা সহ আটক হয় গৰু চোৰৰ এটা গেংক ৷ গ্ৰাওৰক্ষী বাহিনীয়ে নিয়মীয়া তালচীত আটক হয় চোৰকেইজন ৷

কাছাৰ,29চেপ্তেম্বৰ :দেওবাৰে কাছাৰ জিলাৰ মনিয়াৰখাল চাহ বাগিছাত ট্ৰাক আৰু বিদেশী টকা সহ আটক হয় গৰু চোৰৰ এটা গেংক ৷ গৰু চোৰৰ গেংকটোত আজিজুৰ ৰহমান, নজমুল হুচেইন, আব্দুল হুচেইন, সমছুল আলম, আব্দুল কাচিম আৰু আবুল উদ্দিন নামৰ ছয়জনকৈ লোক আছিল ৷ গেংকটোৰ পৰা উদ্ধাৰ হয় চৌদি আৰৱৰ কাতাৰৰ আৰু নেপালৰ বিদেশী টকা ৷

তথ্য অনুসৰি,গ্ৰাওৰক্ষী বাহিনীয়ে নিয়মীয়া তালচী কৰি থকাৰ সময়তে গৰু চুৰি কাৰ্যৰ লগত জড়িত লোককেইজনক আটক কৰিবলৈ সক্ষম হয় ৷ গ্ৰাওৰক্ষী বাহিনীয়ে গেংকটোক আটক কৰি আৰক্ষীক গতাই দিয়ে ৷