গৰু চোৰৰ সন্দেহত মানসিকভাৱে বিকাৰগ্ৰস্ত যুৱকক নিৰ্মম প্ৰহাৰ

বকোত এজন মানসিকভাৱে বিকাৰগ্ৰস্ত লোকক গৰু চোৰৰ সন্দেহত একাংশ লোকে বিজুলী খুঁটাত বান্ধি গুৰুলা গুৰুলকৈ প্ৰহাৰ কৰে ৷ পাচত লোকজনক পৰিয়ালে লোকে উদ্ধাৰ কৰি মুমূৰ্ষ অৱস্থাত চিকিৎসালয়ত ভৰ্তি কৰে ৷

বকো,10আগষ্টঃ শুকুৰবাৰে নিশা বকো বাকৰাপাৰাত আদিল শ্বেখ নামৰ এজন মানসিকভাৱে বিকাৰগ্ৰস্ত লোকক গৰু চোৰৰ সন্দেহত একাংশ লোকে শাৰীৰিক অত্যাচাৰ কৰে । কেৱল এয়াই নহয় বিজুলী খুঁটাত বান্ধি গুৰুলা গুৰুলকৈ প্ৰহাৰ কৰে লোকজনক । পাচত লোকজনক পৰিয়ালে লোকে উদ্ধাৰ কৰি মুমূৰ্ষ অৱস্থাত চিকিৎসালয়ত ভৰ্তি কৰে ৷ এই সন্দৰ্ভত আদিলৰ পৰিয়ালে বকো থানাত এখন এজাহাৰ দিয়ে ৷

পৰিয়ালৰ লোকে জনোৱা মতে, গুৱাহাটী হেঙেৰাবাৰীৰ যুৱক আদিল শ্বেখক প্ৰায় ৩ মাহ আগতে মানসিক চিকিৎসাৰ বাবে বকোৰ ২ নং জামবাৰীৰ মোমায়েক মঃ আজিম আলিৰ ঘৰত ৰখা হৈছিল । হঠাতে শুকুৰবাৰে ঘৰৰপৰা ওলাই যোৱাৰ পিচৰে পৰা আদিল শ্বেখ সন্ধানহীন হৈ পৰে । পাচত পৰিয়ালৰ লোকে মানসিক বিকাৰগ্ৰস্ত আদিলক বাকৰাপাৰা গাঁৱৰ এটা বিজুলী খুঁটাত বান্ধি থোৱা অৱস্থাত উদ্ধাৰ কৰে ৷