বাইক আৰু টাটা মেজিকলৈ নিশা ছাগলী চুৰি অভিযানত হাইটেক চোৰ

হাইটেক যুগত, হাইটেক চোৰ ৷ এতিয়া ছাগলী চুৰি কৰিবলৈ চোৰ আহে মটৰ চাইকেললৈ আৰু চুৰি কৰা ছাগলী নিবলৈ লৈ আহে টাটা মেজিক গাড়ী ৷

বৰপেটা, ১৫ মাৰ্চঃহাইটেক যুগত, হাইটেক চোৰ ৷ এতিয়া ছাগলী চুৰি কৰিবলৈ চোৰ আহে মটৰ চাইকেল লৈ ৷ আৰু চুৰি কৰা ছাগলী নিবলৈ লৈ আহিল টাটা মেজিক গাড়ী ৷

বৰপেটাৰ বহৰিৰ সমীপৰ বৰভিঠাত ঘটিল এই ঘটনা ৷ বিগত নিশা বৰভিঠা গাঁৱৰ ছাহজাহান দেৱান, জামাল খান আৰু লালমামুদৰ ঘৰত চোৰ সোমাইছিল ছাগলী চুৰিৰ কৰিবলৈ ৷ পিছে চোৰৰ কপাল আছিল বেয়া ৷ ছাহজাহান দেৱান নামৰ গৃহস্থজনে সাৰ পাই চিঞৰ বাখৰ কৰাত চোৰে মটৰ চাইকেলেৰে পলায়ন কৰিবলৈ সক্ষম হয় যদিও চোৰে ছাগলী কঢ়িয়াবলৈ লৈ অহা টাটা মেজিক গাড়ীখন এৰি থৈ যাবলগীয়া হয় ৷ ৰাইজে চোৰ খেদি গৈ পায় টাটা মেজিক গাড়ীখন ৷ ৰাইজেও চোৰৰ খং গাড়ীখনতে উজাৰি ভাঙি চুৰমাৰ কৰে গাড়ীখন ৷ ইপিনে আজি পুৱা বহৰিস্থ তাৰাবাৰী থানাৰ আৰক্ষী ঘটনাস্থলীত উপস্থিত হৈ নম্বৰপ্লেটবিহীন গাড়ীখন জব্দ কৰাৰ লগতে আৰক্ষীয়ে আৰম্ভ কৰিছে তদন্ত ৷ এই ঘটনাক লৈ তীব্ৰ চাঞ্চল্যৰ সৃষ্টি হৈছে বহৰি অঞ্চলত ৷