বৰপেটাত ৰাজপথতেই ছুৰীকাঘাত নাবালিকাক

বৰপেটা চহৰৰ ৰাজপথতে নাবালিকাক ছুৰীকাঘাত উদণ্ড যুৱকৰ ৷ ঘটনাক লৈ বৰপেটাত তীব্ৰ চাঞ্চল্য

বৰপেটা,২৫ জুনঃ বৰপেটা চহৰৰ বৃন্দাবনহাটীত মঙলবাৰে আবেলি সংঘটিত হয় এক চাঞ্চল্যকৰ ঘটনা ৷ ৰাজপথৰ ওপৰতে নাবালিকাক ছুৰিকাঘাত উদণ্ড যুৱকৰ ৷ গুৰুতৰভাৱে আহত নাবালিকাক বৰপেটা মেডিকেল কলেজ হাস্পতালত ভৰ্তি কৰোৱা হয় ৷

উল্লেখ্য যে, বৰপেটাৰ ৰাজপথেৰে এগৰাকী সহপাঠীৰ সৈতে খোজকাঢ়ি গৈ থকা অৱস্থাত মটৰ চাইকেলেৰে অহা এজন যুৱকে চুৰিৰে আঘাত হানে নাবালিকাক ৷ ইপিনে ঘটনা সংঘটিত কৰিয়েই ঘটনাস্থলীত মটৰ চাইকেলখন এৰি দৌৰি পলাই যায় যুৱকজন ৷ মটৰ চাইকেলখনৰ নম্বৰ- এছ ১৫ এল ৩০৯৭ ৷ ছুৰিকাঘাতৰ বলি হোৱা নাবালিকাগৰাকী চহৰখনৰ এখন ব্যক্তিগত খণ্ডৰ মহাবিদ্যালয়ৰ উচ্চতৰ প্ৰথম বাৰ্ষিকৰ ছাত্ৰী বুলি জানিব পৰা গৈছে ৷ অবশ্যে যুৱকজনৰ সম্পূৰ্ণ পৰিচয় এতিয়াও প্ৰকাশ পোৱা নাই যদিও যুৱকজনৰ নাম আকাশ বুলি জানিব পৰা গৈছে ৷

লগতে পঢ়কঃ ডিমৌত স্বামীয়ে হত্য়া কৰিলে পত্নীক