দেশত ভয়াৱহ হাৰত বাল্য বিবাহ ! লকডাউনৰ সময়ৰ পৰিসংখ্যা আছিল ৮৯৮

মহিলা আৰু শিশু উন্নয়ন মন্ত্ৰালয়ৰ জৰুৰীকালীন নম্বৰ ১০৯৮ত দেশব্যাপী চলি থকা লকডাউনৰ মাজতে ১৮,২০০ টাকৈ ফোনকল আহে । এই আটাইকেইটা ফোনকলৰ ভিতৰত ৮৯৮ টা আছিল বাল্য বিবাহৰ । কেন্দ্ৰীয় মন্ত্ৰী স্মৃতি ইৰানীয়ে প্ৰকাশ কৰিছে এই তথ্য ।

নিউজ ডেস্ক, ৩০ এপ্ৰিলঃ ২০ মাৰ্চৰ পৰা ২০ এপ্ৰিলৰ ভিতৰত দেশৰ মহিলা আৰু শিশু উন্নয়ন বিভাগে প্ৰায় ৯৮৯ খন বাল্য বিবাহ প্ৰতিৰোধ কৰিবলৈ সক্ষম হৈছে । বিভাগীয় কেন্দ্ৰীয় মন্ত্ৰী স্মৃতি ইৰানীয়ে টুইটাৰযোগে প্ৰকাশ কৰিছে এই তথ্য । লকডাউনৰ সময়ত মন্ত্ৰালয়ৰ জৰুৰীকালীন নম্বৰ ১০৯৮ত প্ৰায় ১৮,২০০ ফোনকল আহে যিসমূহ ফোনকল বাল্য় বিবাহ সম্বন্ধীয় আছিল । এই জৰুৰীকালীন সহায়কাৰী নম্বৰটোত সৰ্বাধিক সংখ্যক ৬ লাখ ফোনকল লাভ কৰে বিভাগে ।

দেশত চলি থকা লকডাউনৰ সময়ত সৰ্বাধিক সংখ্যক ফোনকল কৰ্নাটক, তামিলনাডু, উৰিষ্য়া, তেলেংগানা আৰু অন্ধ্ৰ প্ৰদেশৰ পৰা লাভ কৰিছিল মন্ত্ৰালয়ে । ইয়াৰ উপৰিও মানৱ সৰবৰাহ, যৌন আতিশায্য আৰু শিশু শ্ৰমিক সন্দৰ্ভটো ফোনকল লাভ কৰিছিল মন্ত্ৰালয়ে । ইয়াৰ উপৰিও শিশুৰ বাবে খাদ্য বিচাৰিও বহুসংখ্যক ফোনকল কৰা হৈছিল মন্ত্ৰালয়ৰ এই জৰুৰীকালীন নম্বৰটোত ।

ইউনিচেফৰ প্ৰতিবেদন মতে, বিশ্বৰ ভিতৰতে ভাৰতত সৰ্বাধিক সংখ্যক শিশু কইনা আছে । পৰিসংখ্যা অনুসৰি, ভাৰতত প্ৰতিবছৰে ১৮ বছৰ বয়সৰ তলৰ প্ৰায় ১.৫ লাখ কন্যা শিশু বাল্য বিবাহৰ বলি হয় । দেশৰ ১৫-১৯ বছৰ বয়সৰ ১৬ শতাংশ কন্যা শিশু বৰ্তমানে বিবাহিত । অৱশ্যে দেশত ২০০৫-২০০৬ চনৰ ৪৭ শতাংশৰ পৰা ২০১৫-১৬ চনলৈ এই পৰিসংখ্যা ২৭ শতাংশলৈ হ্ৰাস পায় ।