বৰপেটাৰোড আৰক্ষীৰ জালত পাঁচ দুৰ্বৃত্ত

বৰপেটাৰোড আৰক্ষীৰ জালত পাঁচ দুৰ্বৃত্ত ৷ ছুৰী, কটাৰীকে ধৰি মোবাইল আৰু বাইক জব্দ হয় দুৰ্বৃত্তকেইটাৰ পৰা ৷ দুৰ্বৃত্তকেইটাই বিগত 25 নবেম্বৰত এজন যুৱকক ছুৰিকাঘাত কৰি কাঢ়ি নিছিল বেগ-মোবাইল ৷

বৰপেটাৰোড, 1 ডিচেম্বৰঃ বৰপেটাৰোড আৰক্ষীৰ জালত ডকাইতিৰ সৈতে জড়িত থকা পাঁচটাকৈ দুৰ্বৃত্ত ৷ বিগত 25 নৱেম্বৰত জিলাখনৰ কলহভাঙ্গাৰ 31নং ৰাষ্ট্ৰীয় ঘাইপথত এজন ব্যক্তিক ছুৰিকাঘাত কৰি নগদ ধনৰ লগতে মোবাইল কাঢ়ি নিছিল ডকাইতৰ দলটোৱে ৷ ঘটনাৰ সৈতে জড়িত থকা দুৰ্বৃত্তকেইটা হৈছে মইনুল হ’ক (২২), জিয়াৰুল খান (১৯), লালচন্দ আলী (১৮), ফুলচন্দ আলী (২৩) আৰু চায়েদ আলী (২২) বুলি জানিব পৰা গৈছে ৷

লগতে পঢ়কঃ বেলেষ্টিক মিচাইল ‘অগ্নি 3’ ৰ সফল নৈশ পৰীক্ষণ সম্পন্ন

বিগত নিশা অনুৰূপ ঘটনা সংঘটিত কৰিবলৈ বাহৰ পাতি থকা অৱস্থাতে আৰক্ষীয়ে কৰায়ত্ত কৰে দুৰ্বৃত্তৰ দলটোক ৷ আৰক্ষীয়ে ইতিমধ্যে ডকাইতৰ দলটোৰ পৰা তিনিখন বাইকসহ মোবাইল আৰু অস্ত্ৰ-শস্ত্ৰ জব্দ কৰিবলৈ সক্ষম হৈছে ৷ আটকাধীন দুৰ্বৃত্তকেইটাক ইতিমধ্য়ে জেললৈ প্ৰেৰণ কৰিছে বৰপেটাৰোড আৰক্ষীয়ে ৷

লগতে পঢ়কঃ শিলচৰত অঘটন: চলন্ত ৰেলত ডেগাৰেৰে হানি-খুচি প্ৰাণ ল'লে এজনৰ