One for the ages: মৃত্যুৱে ৰোধিব নোৱাৰা এক প্ৰেম কাহিনী

সৰগীয় প্ৰেমৰ অনুপম কাহিনী অলেখ । কেতিয়াবা মৃত্যুৱেও হাৰ মানে প্ৰেমৰ ওচৰত । কেতিয়াবা আকৌ মৃত্যুৰ পাছতো জীৱন্ত হৈ থাকে কিছু প্ৰেম কাহিনী । বৰ্তমান চৰ্চাত এনে এক প্ৰেমৰ বান্ধোন যাক চিঙিব নোৱাৰিলে মৃত্যুৱেও(One for the ages) ।

ইন্টাৰনেশ্যনেল ডেস্ক,৯ ডিচেম্বৰ: বহুতেই কথা দিয়ে আজীৱন একেলগে থকাৰ, বহুতেই প্ৰতিশ্ৰুতি দিয়ে মৃত্যুৰ সময়লৈ হাতে হাত ধৰি থকাৰ । কিন্তু বৰ্তমান সময়ত সেয়া সম্ভৱ হৈ নুঠে । কিন্তু এনে সময়তো এক বিৰল প্ৰেমৰ নিদৰ্শন দেখা গৈছে আমেৰিকাৰ ওহাইঅ'ত(American couple eternal love) । যি একেটা বছৰতে একেটা মাহতে জন্মলাভ কৰি শতায়ু গৰকি একেটা দিনতে মাত্ৰ কেইঘন্টামানৰ ব্যৱধানত সাৱটিলে মৃত্যুক । এয়া আমেৰিকাৰ ওহাইঅ’ৰ বাসিন্দা জুন মেলিকট আৰু হুবাৰ্ট মেলিকটৰ প্ৰেম কাহিনী(Hubert and June Malicote) ।

মৃত্যুৱে ৰোধিব নোৱাৰা এক প্ৰেম কাহিনী

১৯২২ চনৰ ১৩ জুলাইত জন্মলাভ কৰিছিল জুন মেলিকটে আৰু সেই একেটা মাহৰে ২৩ তাৰিখে জন্মলাভ কৰিছিল হুবাৰ্ট মেলিকটে । তেতিয়া দ্বিতীয় বিশ্বযুদ্ধৰ ভৰপক সময় । তেনে সময়তে অৰ্থাৎ ১৯৪১ চনত সাক্ষাৎ হৈছিল দুয়োৰে । দুয়োৰে লগ হৈছিল ইয়েটন ৰোড চাৰ্চত । দুয়ো নিজৰ বন্ধুবৰ্গৰ সৈতে আইচক্ৰীম খাবলৈ যাওতেই চাৰিচকুৰ মিলন ঘটিছিল । তাৰ পাছত প্ৰেম আৰু তাৰপাছত বিবাহ । ১৯৪২ চনত দ্বিতীয় বিশ্বযুদ্ধত(2nd World War in 1942) যুঁজিবলৈ হুবাৰ্টে নৌসেনাত যোগদান কৰে । প্ৰশিক্ষণ সম্পূৰ্ণ কৰি যুদ্ধলৈ যোৱাৰ পূৰ্বে দুয়ো বিবাহপাশত আৱদ্ধ হোৱাৰ সিদ্ধান্ত গ্ৰহণ কৰে । ১৯৪৩ চনত প্ৰেমৰ সেই মধুৰ সম্পৰ্কই আন এক নাম পালে ।

জুন আৰু হুবাৰ্টৰ মুঠ তিনিটা সন্তান । তিনি পুত্ৰ-কন্যাৰ ঘৰত মুঠ সাতজন নাতি-নাতিনী । ইফালে নাতি-নাতিনীৰ মুঠ ১১টা সন্তানৰ মুখ দেখিলে জুন আৰু হুবাৰ্টে । চলিত বৰ্ষতে অতি ধুমধামেৰে দুয়োৰে শতবাৰ্ষিকী উদযাপন কৰা হয় । সেই অনুষ্ঠানতে দম্পতীহালে উল্লেখ কৰিছিল যে দুয়ো একেলগে আৰু খুব সুখৰে জীৱন কটাইছে । জীৱনৰ প্ৰতিটো সুখ-দুখৰ মুহূৰ্ততে তেওঁলোক ইজনে-সিজনৰ কাষত আছিল । কিন্তু লাহে লাহে নামি আহিল অমানিশা । কিছুদিন পূৰ্বে গুৰুতৰভাৱে অসুস্থ হৈ পৰিছিল জুন ।

জুনক ভৰ্তিত কৰোৱা হৈছিল চিকিৎসালয়ত । আজীৱন একেলগে থকাৰ প্ৰতিশ্ৰুতি পূৰাবলৈকে যেন ২৫ নৱেম্বৰত অসুস্থ পত্নীৰ খবৰ ল'বলৈ চিকিৎসালয়ত উপস্থিত হৈছিল হুবাৰ্ট মেলিকট । অসুস্থ পত্নীক দেখা পায় হুবাৰ্টো চিকিৎসালয়তে অসুস্থ হৈ পৰে । দুয়োকে ৰখা হ'ল একেটা কোঠাতে । ৩০ নৱেম্বৰত হৃদযন্ত্ৰৰ সমস্যাত আক্ৰান্ত হৈ মৃত্যুক সাবটে হুবাৰ্টে । আচৰিতভাৱে প্ৰায় ২০ ঘন্টাৰ পাছত চিকিৎসালয়তে মৃত্যু হয় জুন মেলিকটৰ । অমিয়া প্ৰেমক সৰগী কৰি দুয়ো গুছি গ'ল অজান মুলুকলৈ(Couple die hours apart after 79 years of marriage) ।

যোৱা ৬ ডিচেম্বৰত এই প্ৰেমিক দম্পতিৰ স্মৃতিত পৰিয়ালটোৱে এখন স্মৃতিচাৰণ সভা আয়োজন কৰে । সেই সভাত জুন আৰু হুবাৰ্টৰ পুত্ৰ ছেমে কয় য়ে তেওঁলোকৰ পিতৃ-মাতৃয়ে ইজনে-সিজনৰ অবিহনে জীয়াই থাকিব নোৱাৰিলে । মৃত্যুৱেও তেওঁলোকৰ বান্ধোন ভাঙিব নোৱাৰিলে । ফেচীবাদৰ পতনৰ পৰা ভিয়েটনাম যুদ্ধলৈকে বৰ্তমানৰ ৰাছিয়া-ইউক্ৰেইনৰ সংঘাতলৈকে দুয়োজন সাক্ষী হৈ ৰৈছিল । এই বছৰ তেওঁলোকৰ পিতৃ-মাতৃয়ে বিবাহিত জীৱনৰ ৭৯টা বৰ্ষ সম্পূৰ্ণ কৰে । এই দম্পত্তিৰ খবৰ শুনি আজি একেমুখে বিশ্বই কৈছে প্ৰেম সঁচাই অনন্য ।

লগতে পঢ়ক:New York Times : নিউয়ৰ্ক টাইমছৰ 24 ঘণ্টীয়া নিউজৰুম ধৰ্মঘট