শ্ৰীলংকাক সামৰিকীকৰণৰ গতি ওলোটা কৰিবলৈ পৰামৰ্শ ৰাষ্ট্ৰসংঘৰ

ৰাষ্ট্ৰসংঘই শ্ৰীলংকাক তৎক্ষণাৎ সামৰিকীকৰণৰ গতি ওলোটা কৰিবলৈ পৰামৰ্শ দিছে (UN human right report on Sri Lanka)। ৰাষ্ট্ৰসংঘই ৰাজনৈতিক অশান্তি আৰু অভূতপূৰ্ব অৰ্থনৈতিক সংকটৰ সন্মুখীন হোৱা দেশখনৰ মানৱ অধিকাৰ সম্পৰ্কীয় এক প্ৰতিবেদনত এই মন্তব্য কৰে ।

নিউজ ডেস্ক, 6 ছেপ্টেম্বৰ: ৰাষ্ট্ৰসংঘই মঙলবাৰে ৰাজনৈতিক অশান্তি আৰু আটাইতকৈ ভয়াৱহ অৰ্থনৈতিক সংকটৰ সন্মুখীন হোৱা এখন দেশৰ ওপৰত মানৱ অধিকাৰ প্ৰতিবেদনত কয় যে, শ্ৰীলংকাই নিজৰ সামৰিকীকৰণৰ গতি তৎক্ষণাত ওলোটা কৰিব লাগিব ৷ যিয়ে ইয়াৰ সমগ্ৰ ২ কোটি ২০ লাখ জনসংখ্যাৰ ওপৰত প্ৰত্যক্ষভাৱে প্ৰভাৱ পেলাব (UN human right report on Sri Lanka)।

ৰাষ্ট্ৰসংঘৰ মানৱ অধিকাৰ কাৰ্যালয়ে শেহতীয়া প্ৰতিবেদনত কয় যে, নতুন চৰকাৰে সামৰিকীকৰণৰ দিশত ধাৱমান হোৱাটো তৎক্ষণাত ওলোটা কৰিব লাগে ৷ কঠোৰ নিৰাপত্তা আইন আৰু শান্তিপূৰ্ণ প্ৰতিবাদৰ ওপৰত দমন চলোৱাৰ অন্ত পেলাব লাগে । ইয়াত লগতে কোৱা হৈছে যে চৰকাৰে “নিৰাপত্তা খণ্ডৰ সংস্কাৰ আৰু শাস্তিহীনতাৰ অন্ত পেলোৱাৰ প্ৰতিও নৱীকৃত প্ৰতিশ্ৰুতি দেখুৱাব লাগে” (United Nations on Sri Lanka)।

দক্ষিণ এছিয়াৰ দ্বীপ ৰাষ্ট্ৰখনে অত্যাৱশ্যকীয় সামগ্ৰী আমদানি কৰিবলৈ বিদেশী মুদ্ৰা শেষ হোৱাৰ পিছত এই বছৰ তীব্ৰ খাদ্য আৰু ইন্ধনৰ নাটনিৰ লগতে দীৰ্ঘদিন ধৰি বৃদ্ধি পোৱা মুদ্ৰাস্ফীতিৰ সন্মুখীন হৈছে । এপ্ৰিল মাহত ইয়াৰ চৰকাৰে ৫১ বিলিয়ন ডলাৰৰ বৈদেশিক ঋণ পৰিশোধ নকৰাকৈয়ে আন্তঃৰাষ্ট্ৰীয় মুদ্ৰা নিধিৰ বেইলআউটৰ বাবে আলোচনা চলি আছে । শ্ৰীলংকাৰ কেন্দ্ৰীয় বেংকে বছৰটোৰ বাবে জিডিপিৰ অভিলেখসংখ্যক আঠ শতাংশ সংকোচনৰ পূৰ্বানুমান কৰিছে (UN human right report on Sri Lanka)।

যোৱা মাহত কাৰ্যকাল সমাপ্ত হোৱা ৰাষ্ট্ৰসংঘৰ মানৱ অধিকাৰ বিভাগৰ প্ৰাক্তন উচ্চায়ুক্ত মিচেল বেচেলেটে প্ৰতিবেদনত কয় যে, দ্বীপটো দেউলীয়া কৰাৰ বাবে দায়ীসকলৰ বিৰুদ্ধে গোচৰ চলোৱা উচিত । ৰাষ্ট্ৰসংঘৰ অধিকাৰ কাৰ্যালয়ে প্ৰথমবাৰৰ বাবে অৰ্থনৈতিক সংকটৰ কথা উত্থাপন কৰিছিল ৷ দ্বীপটোৰ দীৰ্ঘদিনীয়া গৃহযুদ্ধৰ সময়ত অত্যাচাৰ সংঘটিত কৰাসকলক ন্যায়ৰ ওচৰলৈ অনাৰ আহ্বান জনায় প্ৰতিবেদনত ।

১৬ পৃষ্ঠাৰ প্ৰতিবেদনখনত কোৱা হৈছে যে, উচ্চায়ুক্তগৰাকীয়ে আন্তঃৰাষ্ট্ৰীয় সমাজক শ্ৰীলংকাৰ পুনৰুদ্ধাৰৰ ক্ষেত্ৰত সহায় কৰিবলৈ উৎসাহিত কৰিছে (Crisis in Sri Lanka) ৷ কিন্তু মানৱ অধিকাৰ উলংঘা আৰু অৰ্থনৈতিক অপৰাধৰ বাবে শাস্তিমুক্ত হোৱাকে ধৰি সংকটৰ অন্তৰ্নিহিত কাৰণসমূহৰ সমাধানৰ ক্ষেত্ৰতো উৎসাহিত কৰিছে ।

উচ্চায়ুক্তৰ কাৰ্যালয়ে শ্ৰীলংকাৰ নতুন চৰকাৰক অৰ্থনৈতিক অপৰাধৰ তদন্ত আৰু চুৰি সম্পত্তিৰ সন্ধান আৰু উদ্ধাৰৰ ক্ষেত্ৰত সহায় কৰিবলৈও কয় । ২০০৯ চনত সমাপ্ত হোৱা দশক দশক ধৰি চলি অহা গৃহযুদ্ধৰ শেষৰ মাহবোৰত শ্ৰীলংকাই নিজৰ সৈন্যই কমেও ৪০ হাজাৰ সাধাৰণ তামিল নাগৰিকক হত্যা কৰাৰ অভিযোগৰ তদন্তৰ বাবে আন্তঃৰাষ্ট্ৰীয় আহ্বানক প্ৰতিহত কৰি আহিছে ।

লগতে পঢ়ক:শোচনীয় অৱস্থাত ৰাজ্য়ৰ হাজাৰ হাজাৰ চৰকাৰী বিদ্যালয়