ইণ্টাৰনেশ্যনেল ডেস্ক, 27 ছেপ্টেম্বৰ:অব্যাহত আছে বিচ্ছিন্নতাবাদী নেতাহৰদীপ সিং নিজ্জাৰ হত্যাৰ ক্ৰিয়া-প্ৰতিক্ৰিয়া ৷ কানাডাই এই কাণ্ডৰ সৈতে ভাৰতৰ এজেণ্ট জড়িত থকা বুলি তোলা অভিযোগ সন্দৰ্ভত প্ৰতিক্ৰিয়া প্ৰকাশ কৰে বৈদেশিক পৰিক্ৰমা মন্ত্ৰী এছ জয়শংকৰে ৷ কানাডাই নিজৰ মাটিত খালিস্তানী বিচ্ছিন্নতাবাদী হৰদীপ সিং নিজ্জাৰক হত্যা কৰাত ভাৰত জড়িত থকাৰ অভিযোগ তুলিছিল ৷
সেই সম্বন্ধত বৈদেশিক পৰিক্ৰমা মন্ত্ৰীগৰাকীয়ে কয় যে ভাৰতে অট’ৱাক এই কথা অৱগত কৰাইছে যে এয়া ভাৰত চৰকাৰৰ নীতি বিৰুদ্ধ আৰু তাৰ বাবে “নিৰ্দিষ্ট” আৰু “প্ৰাসংগিক” তথ্য উপলব্ধ । মঙলবাৰে নিউয়ৰ্কৰ কাউন্সিল অন ফৰেইন ৰিলেচনছ (CFR)ত হোৱা এক বাৰ্তালাপত জয়শংকৰে কানাডাৰ অভিযোগ সন্দৰ্ভত কৰা প্ৰশ্নৰ উত্তৰত এই প্ৰতুত্তৰ দিয়ে ।
এছ জয়শংকৰে কয়, “হয়, মোৰ এটা মন্তব্য আছেই । আমি কানাডিয়ানসকলক কোৱা কথাখিনি মই আপোনালোকৰ লগত অতি স্পষ্টভাৱে শ্বেয়াৰ কৰিম ৷ আমি কানাডিয়ানসকলক কৈছিলো যে এয়া ভাৰত চৰকাৰৰ নীতি নহয় । দ্বিতীয়তে, আমি কানাডিয়ানসকলক যদি আপোনালোকৰ কিবা নিৰ্দিষ্ট তথ্য আছে, যদি এই কথাৰ কিবা প্ৰাসংগিকতা আছে আপোনালোকৰ হাতত, তেন্তে আমাক জনাওক । আমি ইয়াক মুকলি চাবলৈ বিচাৰো ।”
উল্লেখ্য যে, কানাডাৰ প্ৰধানমন্ত্ৰী জাষ্টিন ট্ৰুডোৱে 18 ছেপ্টেম্বৰৰ দিনা বিচ্ছিন্নতাবাদী নেতাহৰদীপ সিং নিজ্জাৰ হত্যাৰ সৈতে ভাৰত চৰকাৰৰ “এজেণ্ট” জড়িত থকাৰ গুৰুতৰ অভিযোগ উত্থাপন কৰিছিল ৷ তেতিয়াৰে পৰাই দুয়োখন দেশৰ মাজৰ কূটনৈতিক সম্পৰ্কৰ যথেষ্ট অৱনতি ঘটা পৰিলক্ষিত হৈছিল ৷ ভাৰতৰ বিৰুদ্ধে তোলা এনে গুৰুতৰ অভিযোগৰ ক্ষেত্ৰত মাৰ্কিন যুক্তৰাষ্ট্ৰই উদ্বিগ্নতা প্ৰকাশ কৰা পৰিলক্ষিত হৈছিল ৷
লগতে পঢ়ক :EAM Jaishankar on Nijjar’s killing: মই দ্য ফাইভ আইজৰ অংশ নহয়; এছ জয়শংকৰ
