Pak Journalist Murder : কেনিয়াত পাকিস্তানী সাংবাদিকক গুলীয়াই হত্যা

কেনিয়াৰ ৰাজধানী নাইৰোবিত এক দুৰ্ঘটনাত পাকিস্তানী সাংবাদিক আৰু এংকৰ আৰ্ছাদ শ্বৰীফৰ মৃত্যু হয় (Pak Journalist murdered in Kenya) । পৰিয়ালৰ সূত্ৰ আৰু সহযোগীসকলৰ উদ্ধৃতিৰে সংবাদ প্ৰতিষ্ঠানৰ প্ৰতিবেদনত এই তথ্য দিয়া হৈছে । বিখ্যাত টিভি অনুষ্ঠানৰ সঞ্চালক আৰ্ছাদ শ্বৰীফৰ মৃত্যুৰ পিছত পাকিস্তানৰ সাংবাদিকসকলে সামাজিক মাধ্যমৰ জৰিয়তে নিজৰ শোক প্ৰকাশ কৰিছে (Anchor cum Journalist Arshad Sharif murdered) ।

ইণ্টাৰনেচনেল ডেস্ক, ২৪ অক্টোবৰ : কেনিয়াত এজন জ্যেষ্ঠ পাকিস্তানী সাংবাদিকক গুলীয়াই হত্যা কৰা হৈছে (Pak Journalist murdered in Kenia) । সাংবাদিকগৰাকীৰ পত্নীয়ে সোমবাৰে এই কথা প্ৰকাশ কৰিছে । উল্লেখ্য, চলিত বছৰৰ আৰম্ভণিতে দেশখনৰ নিৰাপত্তা সংস্থাসমূহে সাংবাদিকজনৰ ওপৰত ৰাজদ্ৰোহ আৰু 'দেশবিৰোধী' কাম কৰাৰ অভিযোগ আনিছিল ।

এআৰৱাই টিভিৰ প্ৰাক্তন সাংবাদিক আৰু টিভি এংকৰ তথা প্ৰাক্তন প্ৰধানমন্ত্ৰী ইমৰান খানৰ অতি ঘনিষ্ঠ বুলি গণ্য কৰা ৪৯ বছৰীয়া আৰ্ছাদ শ্বৰীফ সেয়ে কেনিয়ালৈ গুচি যায় । সোমবাৰে আৰ্ছাদ শ্বৰীফৰ পত্নী জাভেৰিয়া চিদ্দিকীয়ে টুইটাৰত তেওঁৰ মৃত্যুৰ খবৰটো নিশ্চিত কৰিছে (Anchor cum Journalist Arshad Sharif murdered) ।

"মই আজি মোৰ বন্ধু, স্বামী আৰু মোৰ প্ৰিয় সাংবাদিকক হেৰুৱাইছোঁ । আৰক্ষীৰ ভাষ্য মতে, তেওঁক কেনিয়াত গুলীয়াই হত্যা কৰা হৈছে ।" এক টুইটাৰ বাৰ্তাত সাংবাদিকজনৰ পত্নীয়ে এনেদৰে কয় । তেওঁ লগতে কয়, "আমাৰ ব্যক্তিগত জীৱনক সন্মান জনাওক আৰু 'ব্ৰেকিং' নিউজৰ নামত অনুগ্ৰহ কৰি আমাৰ পৰিয়ালৰ ফটো, ব্যক্তিগত বিৱৰণ আৰু চিকিৎসালয়ত তেওঁৰ অন্তিম ফটোবোৰ শ্বেয়াৰ নকৰিব । আপোনালোৰ প্ৰাৰ্থনাৰে আমাক মনত ৰাখিব ।"

আনহাতে, পাক সংবাদ-পত্ৰ ডনৰ খবৰ অনুযায়ী, বৈদেশিক কাৰ্যালয়ৰ মুখপাত্ৰ অসীম ইফতিখাৰে কেনিয়াত পাকিস্তানৰ উচ্চায়োগে স্থানীয় কৰ্তৃপক্ষৰ পৰা এই সন্দৰ্ভত তথ্য সংগ্ৰহ কৰি আছে (Pak journalist shot dead in Kenya) ।

উল্লেখ্য, বিগত আগষ্ট মাহত আৰ্ছাদ শ্বৰীফৰ বিৰুদ্ধে ইমৰাণ খানৰ ঘনিষ্ঠ সহযোগী শ্বেহবাজ গিলৰ সাক্ষাৎকাৰ লোৱাৰ বাবে দেশদ্ৰোহৰ অভিযোগ আৰোপ কৰা হৈছিল । এই সন্দৰ্ভত এটা গোচৰো ৰুজু কৰা হৈছিল । সাক্ষাৎকাৰটোত গিলে ইমৰাণ খানক দেশৰ শক্তিশালী সেনাৰ বিৰুদ্ধে থিয় কৰাবলৈ চেষ্টা কৰাৰ বাবে শ্বেহবাজ শ্বৰীফ চৰকাৰক সমালোচনা কৰিছিল ।

ইয়াৰ পিছতে আৰ্ছাদ শ্বৰীফে দেশ ত্যাগ কৰে । আনহাতে, এআৰআই নেটৱৰ্কে কয় যে তেওঁ সাংবাদিকতাৰ পৰা নিজকে আঁতৰাই নিছিল । আৰ্ছাদ শ্বৰীফৰ জন্ম ১৯৭৩ চনত কৰাচীত হৈছিল আৰু তিনি দশক পূৰ্বে তেওঁ সাংবাদিকতা বৃত্তি আৰম্ভ কৰিছিল । তেওঁক ২০১৯ চনত পাকিস্তানৰ ৰাষ্ট্ৰপতি আৰিফ আলভিয়ে 'প্ৰদৰ্শনৰ গৌৰৱ' বঁটা প্ৰদান কৰিছিল ।

লগতে পঢ়ক :UK PM Election : ব্ৰিটিছ চৰকাৰত দীপাৱলীৰ চাকি জ্বলাবলৈ সাজু ঋষি ছুনক