ইন্টাৰনেশ্যনেল ডেস্ক, 9 জানুৱাৰী :ভাৰতৰ প্ৰধানমন্ত্ৰী মোদীৰ বিৰুদ্ধে মালদ্বীপৰ এজন নেতাই অসন্মানজনক মন্তব্যৰ পাছতে দুয়োখন দেশৰ মাজত থকা মধূৰ সম্পৰ্কত ফাঁট মেলিছে ৷ মালদ্বীপৰ এজন ৰাজনৈতিক নেতাজনৰ মন্তব্যৰ প্ৰতিক্ৰিয়াস্বৰূপে দায়বদ্ধতা আৰু দ্ৰুত পদক্ষেপৰ প্ৰয়োজনীয়তাৰ ওপৰত গুৰুত্ব প্ৰদান কৰি মালদ্বীপৰ সংসদৰ সদস্য মিকাইল নাছিমে মালদ্বীপ চৰকাৰে দেখুওৱা নিষ্ক্ৰিয়তা আৰু তাৎক্ষণিকতাৰ অভাৱৰ বাবে বিদেশমন্ত্ৰীলৈ এখন চমন জাৰি কৰিছে ৷
ঘটনাৰ লগত জড়িত বিষয়াসকলক সোধা-পোছাৰ বাবে সংসদলৈ মাতিবলৈ অনুৰোধ জনাইছে সাংসদ নাছিমে। প্ৰধানমন্ত্ৰী মোদীৰ বিৰুদ্ধে মন্ত্ৰী আৰু চৰকাৰী বিষয়াসকলৰ দ্বাৰা অপমানজনক মন্তব্যৰ সন্দৰ্ভত চৰকাৰে দেখুওৱা নিষ্ক্ৰিয়তা আৰু তাৎক্ষণিকতাৰ অভাৱৰ পিছত বিদেশমন্ত্ৰীক প্ৰশ্নৰ বাবে সংসদলৈ মাতিবলৈ সংসদীয় সমিটিক আনুষ্ঠানিকভাৱে অনুৰোধ জনাইছে সাংসদগৰাকীয়ে।
লগতে সংসদীয় সমিতিলৈ উক্ত বিষয়াসকলক মাতিবলৈ অনুৰোধ প্ৰেৰণ কৰা হৈছে বুলি তেওঁ কয় ৷ উল্লেখ্য যে, মালদ্বীপৰ এজন উপ-মন্ত্ৰী, কেবিনেটৰ আন সদস্য আৰু চৰকাৰী বিষয়াই ভাৰতৰ প্ৰধানমন্ত্ৰী মোদীয়ে শেহতীয়াকৈ লাক্ষাদ্বীপ ভ্ৰমণৰ বিষয়ে অপমানজনক মন্তব্য কৰাৰ পিছত দুয়ো দেশৰ মাজতে সংঘাত আৰম্ভ হৈছিল ৷