নিউজ ডেস্ক, ২৮ নৱেম্বৰ : অঘটনেৰে আৰম্ভ হোৱা ফিফা বিশ্বকাপ ২০২২-ৰ (FIFA World Cup 2022) খেলপথাৰৰ উত্তেজনাই এইবাৰ ৰাজপথত ল'লে হিংসাত্মক ৰূপ । কাটাৰত চলি থকা ফিফা বিশ্বকাপ ২০২২-ত মৰক্কোৰ হাতত পৰাজিত হোৱাৰ পিছত বেলজিয়ামত সৃষ্টি হয় ব্যাপক হিংসাত্মক ঘটনা (violence in Belgium) ।
নিজৰ দেশৰ পৰাজয় সহিব নোৱাৰি ক্ষোভিত জনতাই ৰাজপথৰ বাহনসমূহত অগ্নিসংযোগ কৰে । উল্লেখ্য, বেলজিয়ামৰ বিৰুদ্ধে মৰক্কোৰ ২-০ গ'লৰ জয়ৰ পিছত বেলজিয়ামৰ ৰাজধানী ব্ৰেচেলছত এই হিংসাত্মক ঘটনা সংঘটিত হয় (Morocco defeat Belgium in Qatar world cup) ।
আনহাতে, উত্তেজিত জনতাক ছত্ৰভঙ্গ দিয়াবলৈ আৰক্ষীয়ে ব্ৰোচেলছ কেন্দ্ৰৰ কিছু অংশ বন্ধ কৰিব দিবলগা হয় আৰু পানীহিলৈৰ লগতে কন্দুৱা গেছ নিক্ষেপ কৰিবলগা হয় (Qatar world cup football 2022) । শতাধিক আক্ৰমণকাৰীয়ে বাহনবোৰ জ্বলাই দিয়াৰ লগতে শিলগুটিও নিক্ষেপ কৰে ।
ইফালে ব্ৰেচেলছৰ মেয়ৰ ফিলিপ ক্ল'জে ফুটবল অনুৰাগীসকলক চহৰখনৰ কেন্দ্ৰস্থলৰ পৰা আঁতৰি থাকিবলৈ আহ্বান জনাইছে । লগতে তেওঁ কয় যে কৰ্তৃপক্ষই ৰাজপথত শান্তি-শৃংখলা বৰ্তাই ৰাখিবলৈ যথাসম্ভৱ চেষ্টা কৰি আছে । আনকি আৰক্ষীৰ নিৰ্দেশত মেট্ৰ' আৰু ট্ৰামৰ যাতায়াতো ব্যাহত হৈ পৰিছে ।
লগতে পঢ়ক :BBC Journalist Arrested : চীনত বিবিচিৰ সাংবাদিকক প্ৰহাৰ কৰি গ্ৰেপ্তাৰৰ অভিযোগ
