ইণ্টাৰনেচনেল ডেস্ক, ১৫ জানুৱাৰী :দেওবাৰে বিয়লি বিশ্বই প্ৰত্যক্ষ কৰা ইয়েটি এয়াৰলাইনছৰ দুৰ্ঘটনাটো দেশীয় আৰু আন্তঃৰাষ্ট্ৰীয় পৰ্যায়ত প্ৰত্যক্ষ কৰা ভয়ংকৰ বিমান দুৰ্ঘটনাৰ আন এক ভয়ংকৰ স্মৃতি (Yeti airlines crash in Nepal) । দেওবাৰে সংঘটিত দুৰ্ঘটনাটোত এতিয়ালৈকে ৩২ জন লোক নিহত হৈছে । আনহাতে, বিমানখনত থকা ৬৮ জন যাত্ৰীৰ ভিতৰত পাঁচজন ভাৰতীয় নাগৰিক আছিল । তথ্য অনুসৰি, বিগত 27 বছৰত নেপালত প্ৰায় 27 টা ভয়ংকৰ বিমান দুৰ্ঘটনা সংঘটিত হৈছে (27 fatal crashes in Nepal in 27 years) । এই প্ৰতিবেদনত দেশখনৰ দহটা ডাঙৰ বিমান দুৰ্ঘটনাৰ বিষয়ে আলোকপাত কৰা হৈছে (ten deadly plane crashes in Nepal) ।
১) ৰয়েল নেপাল এয়াৰলাইনছৰ বিমান দুৰ্ঘটনা (Royal Nepal Airlines plane crash) : ১৯৬২ চনৰ ১ আগষ্টত নেপালত তদানীন্তন ৰয়েল নেপাল এয়াৰলাইনছৰ দ্বাৰা পৰিচালিত ডগলাছ ডিচি-৩ বিমান এখন দুৰ্ঘটনাগ্ৰস্ত হয় । ভাৰতৰ গৌচৰ বিমানবন্দৰৰ (ত্ৰিভুৱন আন্তঃৰাষ্ট্ৰীয় বিমানবন্দৰ) পৰা পালম বিমানবন্দৰলৈ (বৰ্তমান ইন্দিৰা গান্ধী আন্তঃৰাষ্ট্ৰীয় বিমানবন্দৰ) আন্তঃৰাষ্ট্ৰীয় বিমানসূচীত উৰা মৰা যাত্ৰীবাহী বিমানখনত থকা ১০ জন যাত্ৰী আৰু চাৰিজন কৰ্মচাৰীৰ আটাইকেইজন নিহত হয় ।
২) থাই এয়াৰৱেজৰ বিমান দুৰ্ঘটনা (Thai Airways plane crash) :১৯৯২ চনৰ ৩১ জুলাইত থাইলেণ্ডৰ ডন মুয়াং আন্তঃৰাষ্ট্ৰীয় বিমানবন্দৰৰ পৰা ত্ৰিভুৱন আন্তঃৰাষ্ট্ৰীয় বিমানবন্দৰৰ ওচৰলৈ অহাৰ সময়ত থাই এয়াৰৱেজৰ এখন আন্তঃৰাষ্ট্ৰীয় বিমান ৩১১ দুৰ্ঘটনাগ্ৰস্ত হয় । যাৰ ফলত বিমানখনত থকা ৯৯ জন যাত্ৰী আৰু ১৪ জন কৰ্মচাৰীৰ আটাইকেইজনেই নিহত হয় ।
৩) পাকিস্তান ইণ্টাৰনেচনেল এয়াৰলাইনছ দুৰ্ঘটনা (Pakistan International Airlines crash) : থাই এয়াৰৱেজৰ বিমান দুৰ্ঘটনাৰ কেইমাহমান পিছত ১৯৯২ চনৰ ২৮ ছেপ্টেম্বৰত কাঠমাণ্ডুৰ ত্ৰিভুৱন আন্তঃৰাষ্ট্ৰীয় বিমানবন্দৰৰ ওচৰলৈ যাওঁতে পাকিস্তান ইণ্টাৰনেচনেল এয়াৰলাইনছৰ এখন বিমান দুৰ্ঘটনাগ্ৰস্ত হয় আৰু তাত থকা ১৫৫ জন যাত্ৰী আৰু ১২ জন ক্ৰু সদস্যৰ সকলোকেইজনৰে মৃত্যু হয় । এইটো পাকিস্তান ইণ্টাৰনেচনেল এয়াৰলাইনছৰ ইতিহাসৰ আটাইতকৈ ভয়ংকৰ বিমান দুৰ্ঘটনা হিচাপে গণ্য কৰা হয় ।
৪) ৰয়েল নেপাল এয়াৰলাইনছ টুইন অটাৰ দুৰ্ঘটনা (Royal Nepal Airlines Twin Otter crash) : ২০০০ চনৰ ২৭ জুলাইত বজাং বিমানবন্দৰৰ পৰা ধঙ্গাধি বিমানবন্দৰলৈ যাওঁতে ৰয়েল নেপাল এয়াৰলাইনছৰ ডি হাভিলেণ্ড কানাডা ডিএইচচি-৬ টুইন অটাৰ বিমানখন দুৰ্ঘটনাগ্ৰস্ত হয় আৰু বিমানখনত থকা ২৫ জন যাত্ৰীৰ সকলো আৰু আটাইকেইজন কৰ্মচাৰী নিহত হয় । বিমানখন দাদেলধুৰাৰ যোগবুদাৰ শিৱলিক পাহাৰৰ ৪,৩০০ ফুট জাৰায়াখালি পাহাৰত গছত খুন্দা মাৰি দুৰ্ঘটনাগ্ৰস্ত হোৱা বুলি জানিব পৰা যায় । দুৰ্ঘটনাৰ পিছত বিমানখনত জুই লাগে ।
৫) ইয়েটি এয়াৰলাইনছ দুৰ্ঘটনা (Yeti Airlines Crash) :২০০৮ চনৰ অক্টোবৰ মাহত ইয়েটি এয়াৰলাইনছৰ ঘৰুৱা নেপালী বিমান এয়াৰলাইনাৰ ১০৩ দুৰ্ঘটনাগ্ৰস্ত হয় । উক্ত দুৰ্ঘটনাত কমেও ১৪ জন লোক নিহত হয় । ইয়াৰে ভিতৰত ১২ জন জাৰ্মানীৰ আৰু ২ জন অষ্ট্ৰেলিয়াৰ নাগৰিক আছিল ।