নিউজ ডেস্ক, 14 নৱেম্বৰ : অধিক ৰঙীণ হৈ আন্তঃৰাষ্ট্ৰীয় চলচ্চিত্ৰ মহোৎসৱৰ বাবে সাজু হৈছে সপোনৰ নগৰী গোৱা ৷ আগন্তুক 20 নৱেম্বৰৰ পৰা 28 নৱেম্বৰলৈ গোৱাত অনুষ্ঠিত হ'ব ভাৰতৰ 53 সংখ্যক আন্তঃৰাষ্ট্ৰীয় চলচ্চিত্ৰ মহোৎসৱ (Goa International Film Festival) ।
চলচ্চিত্ৰ মহোৎসৱখনৰ শুভাৰম্ভনি হ’ব অষ্ট্ৰিয়াৰ ‘আলমা এণ্ড অস্কাৰ’(Alma and Oscar) ছবিৰে আৰু পৰিসমাপ্তি হ’ব জাৰ্মানীৰ ‘ফিক্সেচন’ ছবিৰে(Fixation)৷ উক্ত চলচ্চিত্ৰ মহোৎসৱৰ অন্যতম আকৰ্ষণ হ’ব প্ৰথমবাৰৰ বাবে সাগৰৰ বুকুত স্থাপন হ’বলগীয়া পেভিলিয়ন (Pavillion in lap of sea)।
তাৎপৰ্যপূৰ্ণ যে, এইবাৰৰ আন্তঃৰাষ্ট্ৰীয় চলচ্চিত্ৰ মহোৎসৱত(53rd International Film Festival) বিশেষভাৱে সক্ষম লোকৰ বাবে বিশেষ প্ৰদৰ্শনীৰ ব্যৱস্থা কৰা হৈছে ৷