দক্ষিণ কোৰিয়াত ক'ভিড-19 ত আক্ৰান্ত লোকৰ সংখ্যা 15,318 গৰাকীলৈ বৃদ্ধি

দক্ষিণ কোৰিয়াত নতুনকৈ 279 গৰাকী লোক এই ভাইৰাছত আক্ৰান্ত হৈছে ৷ দেওবাৰলৈ দেশখনত 305 গৰাকী লোকৰ মৃত্যু হৈছে ৷ ইয়াকে লৈ দেশখনত ক'ভিড-19 ত আক্ৰান্তৰ সংখ্যা 15,318 গৰাকীলৈ বৃদ্ধি হৈছে ৷

নিউজ ডেস্ক, 16 আগষ্ট : বিশ্বত প্ৰতিদিনে বৃদ্ধি পাই আহিছে ক'ভিড-19 ত আক্ৰান্ত লোকৰ সংখ্যা ৷ প্ৰতিদিনে হাজাৰ-হাজাৰ লোক নতুনকৈ এই ভাইৰাছবিধত আক্ৰান্ত হৈছে ৷

শেহতীয়াকৈ সমগ্ৰ বিশ্বজুৰি কৰ'ণা ভাইৰাছত 2,16,17,761 তকৈ অধিক লোক আক্ৰান্ত হৈছে ৷ একেদৰে বিশ্বজুৰি মৃত্যু হোৱা লোকৰ সংখ্যা 7,69,004 গৰাকী ৷ ইয়াৰ সমান্তৰালকৈ সমগ্ৰ বিশ্বজুৰি বৰ্তমানলৈ 1,43,33,897 গৰাকী লোকে এই ভাইৰাছবিধৰ পৰা মুক্তি লাভ কৰিছে ৷

শেহতীয়াকৈ দক্ষিণ কোৰিয়াত নতুনকৈ279 গৰাকী লোক এই ভাইৰাছত আক্ৰান্ত হৈছে ৷ মাৰ্চৰ প্ৰথম অৱস্থাৰ পিচত দেশখনত প্ৰথমবাৰৰ বাবে নতুনকৈ ইমান লোক এই ভাইৰাছত আক্ৰান্ত হৈছে ৷ যিয়ে দেশখনত পুনৰ ভাইৰাছবিধে ত্ৰাস চলোৱাৰ আকাংক্ষা কৰা হৈছে ৷

দেওবাৰেKorea Centers for Disease Control and Prevention য়ে প্ৰকাশ কৰা তথ্য অনুসৰি, দেওবাৰলৈ দেশখনত ক'ভিড-19 ত আক্ৰান্তৰ সংখ্যা 15,318গৰাকীলৈ বৃদ্ধি হৈছে ৷ একেদৰে দেশখনত 305 গৰাকী লোকৰ ইতিমধ্যে মৃত্যু হৈছে ৷

জুলাইত দেশখনত আক্ৰান্ত লোকৰ সংখ্যা10,893 গৰাকীলৈ বৃদ্ধি হোৱাৰ পিচত দেশখনত চিকিৎসালয়ৰ অভাৱ হোৱা পৰিলক্ষিত হৈছিল ৷ মাজ ভাগত আক্ৰান্ত লোকৰ সংখ্যা কিছু পৰিমানে কম হোৱাৰ পিচত শেহতীয়াকৈ পুনৰ আক্ৰান্ত লোকৰ সংখ্যা বৃদ্ধি হোৱা পৰিলক্ষিত হৈছে ৷

লগতে পঢ়ক : অৰ্থনৈতিক অনুসন্ধান বিভাগে জব্দ কৰিলে ২৬ কিল'গ্ৰাম সোণ