আমেৰিকাৰ দ্বিতীয় টাৰ্গেট হাশ্বাদ কামাণ্ডাৰ

হাশ্বাদ কামাণ্ডাৰৰ সৈন্য বাহিনীৰ ওপৰত আমেৰিকাৰ এয়াৰ ষ্ট্ৰাইক ৷

ইণ্টাৰনেশ্বন্যেল, 4 জানুৱাৰীঃশনিবাৰে হাশ্বাদ অল শ্বাবী সামৰিক বাহিনীৰ ওপৰত পুনৰ এক এয়াৰ ষ্ট্ৰাইক চলালে শক্তিশালী আমেৰিকাই ৷ এই ড্ৰ’ণ আক্ৰমণতেই বহু শীৰ্ষ ইৰাণীয়ান সেনা প্ৰধান নিহত হোৱা বুলি দাবী কৰে আমেৰিকাৰ এটা ৰাজ্যিক টেলিভিচনে ৷

টেলিভিচনত উল্লেখ কৰা মতে, এই আক্ৰমণ উত্তৰ দিশত অৱস্থিত ইৰাকৰ ৰাজধানী চহৰ বাগদাদত সংঘটিত কৰা হৈছে ৷ কিন্তু এই আক্ৰমণত কিমান জন লোকৰ মৃত্যু হৈছে এই পৰ্যন্ত প্ৰকাশ কৰা হোৱা নাই ৷

হাশ্বাদ কামাণ্ডাৰৰ সৈন্য বাহিনীৰ ওপৰত আমেৰিকাৰ এয়াৰ ষ্ট্ৰাইক

অৱশ্যে ইৰাকৰ এক তথ্য মতে, এই এয়াৰ ষ্ট্ৰাইক দুখন বাহনৰ ওপৰত কৰা হৈছিল য’ত পাঁচজনৰ মৃত্যু হৈছে ৷ বৰ্তমান লৈকে মৃত্যু হোৱা লোক কেইজনৰ পৰিচয় জানিব পৰা হোৱা নাই ৷

উল্লেখ্য যে, ইয়াৰে এদিন পূৰ্বে এয়াৰ ষ্ট্ৰাইকৰ জৰিয়তে ইৰাণৰ সামৰিক বাহিনীৰ শীৰ্ষ কাছিম ছুলেমানীক হত্যা কৰিছিল আমেৰিকাই ৷